From Wikipedia, the free encyclopedia
Michael Davitt —irlanderaz: Mícheál Mac Dáibhéid— (Straide, Mayoko konderria, Irlanda, 1846ko martxoaren 25a - Dublin, Irlanda, 1906ko maiatzaren 30a) politikaria izan zen.
Ingalaterrako Lancashireko ehungintzako lantegietara jo behar izan zuen, eta 1857an beso bat galdu zuen lanean. 1870 eta 1877 urte-bitartean preso egon zen arma-trafikoa egin zuenaren akusaziopean. Kartzelatik irten ondoren, Estatu Batuetara jo zuen errepublikanoen aldeko dirua lortzearren eta, berriz ere Irlandara itzulirik, mugimendu abertzalearen aldeko politika eta nekazarien aldekoa uztartu nahi izan zituen.
1879an, Irish Land League ("Laborarien Liga") alderdia sortu zuen. Berriz ere kartzelan sartu zuten, Liga legez kanpo utzi zutenean (1881-1882). Sozialista zen, eta Parnellen aurkako jarrerekin bat egin zuen askotan. Parnell irlandar abertzaleen buruzagia zen. Boerren Gerraren aurka azaldu zen eta Labour Party alderdiarekiko harremanak estutu zituen.
![]() |
Wikimedia Commonsen badira fitxategi gehiago, gai hau dutenak: Michael Davitt ![]() |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.