From Wikipedia, the free encyclopedia
Maureen Paula O’Sullivan (1911ko maiatzaren 17a, Mainistir na Búille-Boyle, Ros Comáin-Roscommon – 1998ko ekainaren 23a, Scottsdale, Arizona) , aktore irlandarra izan zen. Ikasketak eskola erlijiosoetan egin zituen Dublin, Londres eta Frantzian; Londresekoan Vivien Leigh gelakide izan zuen. Etxera itzulita, txiroak jagoten hasi zen lanean. Frank Borzage zuzendaria 1930ean Irlandan Song o' My Heart filma egiten ari zela, Maureen gazteaz ohartu eta proba txiki bat egiteko eskatu zion. Emaitzarekin gustura, pelikulan parte hartzea eskaini zion. Lana Hollywooden amaitzekoa zen. Horrela egin zuen Ameriketarako jauzia. Fox etxearekin sei filma egin zituen jarraian, eta beste hiru zenbait estudiotan. 1932an Metro-Goldwyn-Mayerrekin sinatu zuen eta bertan lanean hasi. Handik gutxira Irving Thalberg ekoizleak Tarzan the Ape Man filmean Jane Parker pertsonaiarena egiteko aukeratu zuen Johnny Weissmullerekin batera. Eta 1932 eta 1942 bitartean sei alditan jokatu zuen pertsonaia hura.
| Maureen O'Sullivan | |
|---|---|
 | |
| Bizitza | |
| Jaiotzako izen-deiturak | Maureen Paula O'Sullivan |
| Jaiotza | Boyle, 1911ko maiatzaren 17a |
| Herrialdea |  Ameriketako Estatu Batuak |
| Heriotza | Scottsdale, 1998ko ekainaren 23a (87 urte) |
| Heriotza modua | berezko heriotza: miokardio infartu akutua |
| Familia | |
| Aita | Charles O'Sullivan |
| Ama | Mary Frazer |
| Ezkontidea(k) | John Farrow (1936 - 1963) |
| Seme-alabak | ikusi
|
| Hezkuntza | |
| Heziketa | Woldingham School (en)  |
| Hizkuntzak | ingelesa |
| Jarduerak | |
| Jarduerak | antzerki aktorea, zinema aktorea eta telebista-aktorea |
| Jasotako sariak | ikusi
|
| farrow-osullivan.com | |
        | |
William Powell eta Myrna Loyrekin aritu zen The Thin Man 1934ko ekoizpenean, eta Greta Garbo eta Basil Rathbonerekin Anna Karenina filmean (1935). 1938koa da A Yank at Oxford, eta 1940koa Pride and Prejudice Jane Austenen eleberrian oinarritutakoa, Laurence Olivier eta Greer Garson aktoreekin batera.
1942an Tarzan's New York Adventure egindakoan, Metrokoei kontratoa etetea eskatu zien, familia kontuek bultzatuta (John Farrow zinema zuzendaria izan zen bere senarra gaixo etorri berria zen Bigarren Mundu Gerran arituta). Maureen eta Johnen alaba Mia Farrow da. 1948an senarrak zuzendutako The Big Clock filmean aritu zen, baina ordutik aurrera bere agerraldiak bakanak izango ziren. Alaba Mia Woody Allen zinema zuzendariarekin zebilela, Maureen Hannah and Her Sisters filmean aritu zen; urte berean, 1986an , Francis Ford Coppolak Peggy Sue Got Married lanean aritzeko deitu zuen.
Maureen O'Sullivan 87 urte zituela hil egin zen, bihotzekoak jota.
|
|
 |
Wikimedia Commonsen badira fitxategi gehiago, gai hau dutenak: Maureen O'Sullivan  |
Datuak: Q230084
Multimedia: Maureen O'Sullivan / Q230084Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
