![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5e/De_la_Vega2_cropped.jpg/640px-De_la_Vega2_cropped.jpg&w=640&q=50)
María Teresa Fernández de la Vega
valentziar magistratua eta politikaria / From Wikipedia, the free encyclopedia
María Teresa Fernández de la Vega Sanz (Valentzia, 1949ko ekainaren 15a) valentziar magistratu eta politikaria da, Alderdi Sozialistari lotua. Bere ibilbide politikoan, 2004 eta 2010 bitartean, Gobernuko presideneteordea izan zen, José Luis Rodríguez Zapateroren gobernuetan, eta Espainiako historian kargu horretan aritu zen lehen emakumea izan zen. Aldi berean, Presidentetzako ministro eta Gobernuaren bozeramailea izan zen. 2010ean lehen ildo politikotik alde egin ondoren, Estatu Kontseiluan sartu zen, eta 2018tik 2022ra organo horretako burua izan zen lehen emakumea. Ondoren, organo aholku-emaileko zazpigarren ataleko presidentea izaten jarraitu zuen.[1]
Gobernu-kargu garrantzitsu horiez gain, beste batzuk ere izan ditu, hala nola Justiziako Estatu Idazkaritzaren titulartasuna 1994 eta 1996 bitartean, Botere Judizialaren Kontseilu Nagusiko kidea izan da, Senatuaren proposamenez, 1990 eta 1994 bitartean, eta Gorteetako diputatua 1996 eta 2010 bitartean.[1]