![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/ae/Macropinna_Microstoma.png/640px-Macropinna_Microstoma.png&w=640&q=50)
Macropinna microstoma
From Wikipedia, the free encyclopedia
Macropinna microstoma Macropinna generoko animalia bakarra da. Arrainen barruko Opisthoproctidae familian sailkatzen da. Ezaguna da bere burua gardena delako, likidoz betetako domo handi bat. Bertatik begietako lenteak ikus daitezke, arazorik gabe. Begi hauek kupel itxura dute[2], eta edozein punturaino biratu daitezke, aurrera zein gorantz, arrainaren buru gardenan zehar ikusten.
Macropinna microstoma | |
---|---|
![]() | |
Sailkapen zientifikoa | |
Erreinua | Animalia |
Filuma | Chordata |
Klasea | Actinopteri |
Ordena | Argentiniformes |
Familia | Opisthoproctidae |
Generoa | Macropinna (en) ![]() |
Espeziea | Macropinna microstoma Chapman, 1939[1]
|
M. microstomak aho txikia du, eta gorputza ezkata handiz estalia dago. Arraina, normalki, geldi mantentzen da uretan, 600 eta 800 metroko sakonera bitartean, eta bere hegats handiak erabiltzen dituzte egonkortzeko, begiak gorantz zuzentzen dituzten bitartean. Argi gutxiko eremuetan bizi direnez, uste da arrainak siluetak ikusten dituela bere gainean. MBARIko ikerlariek aurkitu zuten bere gainean arrain edo marmoka bat ikusten dutenean, begiak biratzen dituztela aurrearantz, arrainak goranzko norabidea hartzen duen bitartean. Uste da, gainera, sifonoforoetatik janaria lapurtzen duela.
M. microstoma 1939an aurkitu bazen ere, ez zen bizirik argazkirik lortu 2004ra arte. Marrazki zaharrek ez dute erakusten buru gardena, ateratzerakoan apurtu ohi zelako.