Luis Goytisolo

Luis Goytisolo (Bartzelona, 1935ko martxoaren 17a - ) espainiar idazlea da. 2013an Espainiako Letren Sari Nazionala jaso zuen^[1].

Luis Goytisolo
Irudi gehiago
Bizitza
Jaiotzako izen-deiturak	Luis Goytisolo
Jaiotza	Bartzelona, 1935eko martxoaren 17a (89 urte)
Herrialdea	Espainia
Bizilekua	Vimbodí
Familia
Aita	José María Goytisolo Taltavull
Ama	Julia Gay Vives
Haurrideak	ikusi Juan Goytisolo José Agustín Goytisolo
Familia	ikusi Antonio Goytisolo Digat (aitaldeko aitona) Agustín Goytisolo (paternal great-grandparent (en) ) María Mendoza de Vives (great-great-grandmother (en) )
Hezkuntza
Heziketa	Bartzelonako Unibertsitatea : zuzenbide
Hizkuntzak	gaztelania katalana
Jarduerak
Jarduerak	eleberrigilea eta idazlea
Parte-hartzailea Q77664920
Lan nabarmenak	ikusi Q17364195
Jasotako sariak	ikusi Espainiako Narratiba Sari Nazionala  (1993) Espainiako Letren Sari Nazionala  (2013) Espainiako Kritika Saria  (1984) Premio Biblioteca Breve  (1958)
Kidetza	Real Academia Española
Mugimendua	Errealismo soziala

Biografia

Idazle-familia bateko azken semea da, José Agustín eta Juanen anaia. Hamaika urterekin hasi zen idazten, eta bi eleberri idatzi zituen. Handik aurrera bere osaba Luisek hautatu zizkion irakurgaiak, eta Estatu Batuetako narratibaren zaletasuna txertatu zion. Zuzenbide-ikasketak egin zituen.

Haren lehenengo obrak errealismo sozial nabarikoak dira, baina gero literatura-gertaerari berari buruzko hausnarketak egin zituen. 1958an, Biblioteca Breve saria irabazi zuen Las afueras (Aldiriak) eleberriarengatik. Gero, Las mismas palabras (1963, Hitz berberak) argitaratu zuen. 1963an, lau liburuz osatutako sail baten lehena idazten hasi zen. Hamazazpi urteko lana izan zen tetralogia hura: Recuento (1974, Zenbatzea), Los verdes de mayo hasta el mar (1976, Maiatzetik itsasora bitarteko berdeak), La cólera de Aquiles (1977, Akilesen haserrea) eta Teoría del conocimiento (1981, Jakitatearen teoria). 1984an, Estela de fuego que se aleja (Urrunduz doan suzko lorratza) argitaratu zuen, Espainiako Kritika Sariaren irabazlea.

Beste lan batzuk Investigaciones y conjeturas de Claudio Mendoza (1985, Claudio Mendozaren ikerkuntzak eta aieruak), La paradoja del ave migratoria (1987, Hegazti migratzailearen paradoxa) eta Estatua con palomas (1992, Estatua usoekin) dira. Azken eleberri horrek 1993ko Espainiako Narratiba Sari Nazionala irabazi zuen. 1997an, Placer licuante (Plazer urtzailea) eleberria argitaratu zuen, harrigarrizko sexu-pasarte gordinez hornitua. 1999an, Escalera hacia el cielo (Zerurako zurubia) aurkeztu zuen, komedietako nahaste-borraste eta gaizki-ulertuez beteriko eleberria. 1994. urteaz geroztik, Real Academia Españolako kide da. El País egunkariko kolaboratzailea da.

Obra

Eleberriak

• Las afueras (1958). Biblioteca Breve Saria
• Las mismas palabras (1963)
• Antagonía (1973)
  • Recuento (1973)
  • Los verdes de mayo hasta el mar (1976). Barcelona Hiriko Saria
  • La cólera de Aquiles (1979)
  • Teoría del conocimiento (1981)
• Estela del fuego que se aleja (1984). Espainiako Kritika Saria
• La paradoja del ave migratoria (1987)
• Estatua con palomas (1992). Espainiako Narratiba Sari Nazionala
• Mzungo (1996)
• Placer licuante (1997)
• Escalera hacia el cielo (1999)
• Diario de 360º (2000)
• Liberación (2003)
• Oído atento a los pájaros (2006)
• Cosas que pasan (2009)
• El lago en las pupilas (2012)

Bestelakoak

• Ojos, círculos, búhos (1970), kontakizunak.
• Devoraciones (1976), kontakizunak.
• Fábulas (1981), kontakizunak.
• Investigaciones y conjeturas de Claudio Mendoza (1985), kontakizunak.
• El porvenir de la ficción (2002), saiakera.
• Ficciones (2004), kontakizunak.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

1. Luis Goytisolo, Premio Nacional de las Letras Rtve.es

• Datuak: Q1876447
• Multimedia: Luis Goytisolo / Q1876447