Lankide:IkerJoMen/Proba orria
From Wikipedia, the free encyclopedia
Huawei Technologies Co., Ltd. Txinako enpresa teknologiko multinazional bat da, Guangdong-eko (Txina) Shenzhen hirian egoitza duena. Munduko informazioaren eta komunikazioaren teknologien (IKT) eta telekomunikazio-ekipoen azpiegituretan enpresa liderra da.[1] Huawei kontsumoko produktu elektronikoen merkatuan ere aritzen da. Txinako enpresa teknologiko handienetako bat da.
Artikulu hau eskola ariketa bat da. Hori dela eta, beharbada hutsuneren batzuk izango dira edukian edo formatuan. Mesedez, oraindik ez egin ekarpen edo aldaketarik testuan. Bestela, idatzi [[Eztabaida:Txantiloi:Ariane Ensunza artikuluaren eztabaida orrian]]. |
Artikulu hau, osorik edo zatiren batean, gaztelaniazko wikipediako «Huawei» artikulutik itzulia izan da. Jatorrizko artikulu hori GFDL edo CC-BY-SA 3.0 lizentzien pean dago. Egileen zerrenda ikusteko, bisita ezazu jatorrizko artikuluaren historia orria. |
Artikulu hau, osorik edo zatiren batean, ingelesezko wikipediako «Huawei» artikulutik itzulia izan da. Jatorrizko artikulu hori GFDL edo CC-BY-SA 3.0 lizentzien pean dago. Egileen zerrenda ikusteko, bisita ezazu jatorrizko artikuluaren historia orria. |
Artikulu hau hobetzeko lanean ari da IkerJoMen lankidea. Hori dela eta, beharbada hutsuneren batzuk izango dira edukian edo formatuan. Mesedez, aldaketa handi bat egin baino lehen, eztabaida ezazu haren lankide orrian edo artikuluaren eztabaida orrian, erredakzioa koordinatzeko. |
Konpainia 1987an sortu zuen Ren Zhengfeik. Hasiera batean, telefono-kommutadoreen fabrikazioan zentratuta, Huaweik bere negozioa zabaldu du telekomunikazio-sareen eraikuntza barne hartzeko, zerbitzu operatiboak eta aholkularitza-zerbitzuak eta ekipoak eskainiz Txina barruko eta kanpoko enpresei, eta kontsumo-merkaturako komunikazio-gailuen fabrikazioa.[2] Bere gobernu korporatiboa akziodunek aukeratutako pertsonek osatzen dute, eta guztira 115 ordezkari aukeratzen dituzte Ordezkarien Batzordea osatzeko. Batzorde horrek berak izendatzen ditu Administrazio Kontseilua eta Ikuskapen Kontseilua. Ordezkarien Batzordearen eginkizuna da, halaber, Administrazio Kontseiluko presidentea eta 16 zuzendariak aukeratzea.[3]
Huaweik 170 herrialdetan baino gehiagotan hedatu ditu bere produktuak eta zerbitzuak.[4] Huaweik Ericsson gainditu zuen 2012an, munduko telekomunikazio-ekipoen fabrikatzaile handiena zen aldetik,[5] eta Apple gainditu zuen 2018an, munduko telefono adimendunen bigarren fabrikatzaile handiena bezala, Samsung Electronicsen atzetik.[6] 2019an, konpainia berehala hedatu zen Latinoamerikan, eta eskualde horretan marketinean inbertsio handiak egin ditu marka kokatzeko.[7]
Nazioartean arrakasta izan duen arren, Huaweik zailtasunak izan ditu zenbait merkatutan, behar ez bezalako estatu-laguntza eskatzeagatik eta segurtasun zibernetikoari buruzko kezkengatik — batez ere Estatu Batuetako gobernuarena —, Huaweiren azpiegitura-taldeak Txinako Gobernuaren zaintza ahalbidetu dezakeelako.[8] Huaweik argudiatu du bere produktuak ez direla "segurtasun zibernetikoko arrisku handiagoa" beste edozein hornitzailerenak baino, eta ez dagoela ebidentziarik AEBetako espioitza eskaerei buruz.[9] Huaweiren jabetzari eta kontrolari buruzko gai batzuk, baita estatuaren laguntzaren irismenari buruzko kezkak ere, ez dira aldatu.
Txina eta Estatu Batuen arteko gerra komertzial baten erdian, Huawei enpresa estatubatuarrekin merkataritza egitera mugatu zen, Estatu Batuek Iranen aurka jarritako zigorrak aldez aurretik eta nahita urratzeagatik. 2019ko ekainaren 29an, Donald Trump AEBko presidentea akordio batera iritsi zen Txinarekin merkataritza elkarrizketak berriz hasteko, eta Huaweiren aurkako zigorrak leunduko zituela iragarri zuen. Huaweik 600 lanpostu murriztu zituen ekainean Santa Claran zuen ikerketa zentroan, eta 2019ko abenduan Ren Zhengfei sortzaileak esan zuen zentroa Kanadara eramango zuela, murrizketek AEBetako langileekin elkarreragitea eragotziko zietelako.