Kitakyūshū

Kitakyūshū; 北九州市; 北九州 (Kitakyūshū)
	izendaturiko hiria
	Irudi gehiago
Administrazioa
Herrialdea	Japonia
Uhartea; Eskualdea; Prefektura	Kyushu; Kyushu; Fukuoka
Alkatea	Kenji Kitahashi (en)
Jatorrizko izena	北九州市
Herriburua	Kokurakita-ku (en)
Geografia
Koordenatuak	33°53′00″N 130°52′31″E
Azalera	486,81 km²
Mugakideak	Nakama (en) , Nōgata (en) , Yukuhashi (en) , Ashiya (en) , Mizumaki (en) , Kawara (en) , Fukuchi (en) , Kanda (en) , Miyako (en) , Kurate (en) eta Shimonoseki
Demografia
Biztanleria	935.084 (2020ko irailaren 1a); −26.202 (2015)
Dentsitatea	1977 bizt/km²
Informazio gehigarria
Sorrera	1963ko otsailaren 10a
Ordu eremua	UTC+09:00
Hiri senidetuak	Norfolk, Surabaya, Dalian, Hai Phong, Tacoma, Phnom Penh eta Incheon
	http://www.city.kitakyushu.jp www.city.kitakyushu.jp

Kitakyushu (japonieraz: 北九州市, Kitakyūshū-shi^?) Japoniako hiri bat da, Fukuoka prefeturako bigarrena, Kyushu uhartean. 2014ko erroldaren arabera 964.700 biztanle ditu eta Fukuoka–Kitakyushu metropoli eremuaren barnean dago. Honek 5.738.977 biztanle ditu eta Japoniako laugarren metropoli eremua da.

Datu azkarrak Kitakyūshū北九州市北九州 (), Administrazioa ...

Itxi

Kitakyushu izenak "Ipar Kyushu" esan nahi du.

Honshu uharteko Shimonoseki hiriarekin batera, Kanmon itsasartearen parte nagusia hartzen du. Tsushimako itsasartearen eta Setoko Barne Itsasoaren arteko pasabidea da itsasarte hau.

1602an Kokura gaztelua eraiki zuen Hosokawa Tadaokik. Ogasawara leinuak agindu zuen bertan 1632 eta 1860 artean. 1865ean Kokura eta Choshu leinuen arteko borroketan erre egin zen.

Aldi labur batez, Kokurako prefeturaren parte izan zen hiria, zeren prefetura hori 1871n Fukuokako prefeturatik bereizi baitzen Japoniako sistema feudala desegin zenean. Hala ere, 1876an, Fukuokako prefeturak berreskuratu zuen. 1900ean, Kokura hiria fundatu zen.

Bigarren Mundu Gerran, Kokura izan zen bonba atomiko bat jaurtitzeko hautatutako hiria, baina eguraldia ez zen ona, eta, azkenik, estatubatuarrek Nagasaki hiriaren kontra jaurti zuten bonba.

Gaur egungo Kitakyūshū hiria 1963ko otsailaren 10ean sortu zen, bost hiriren bat egitearen ondorioz: Moji, Kokura, Tobata, Yahata eta Wakamatsu. 1973an Kanmonkyo zubia eraiki zen Kanmon itsasartea zeharkatzeko.

Kitakyūshūk zazpi auzo (ku) ditu:

Informazio gehiago Azalera(km²) ...

		Azalera(km²)
Kokura Kita-ku	小倉北区	39,27
Kokura Minami-ku	小倉南区	170,25
Moji-ku	門司区	73,37
Tobata-ku	戸畑区	16,66
Yahata Higashi-ku	八幡東区	36,36
Yahata Nishi-ku	八幡西区	83,04
Wakamatsu-ku	若松区	67,86

Itxi

Nippon Steel Corporation altzairugintzako konpainia handia enpresa nagusia da Yahata eta Tobata auzoetan, baina 1960ko hamarkadan baino askoz langile gutxiago ditu orain. Zenrin nabigazioarako software-konpainia handiak eta TOTO bainu-geletarako tresnak egiten dituen Japoniako konpainia nagusiak ere Kitakyūshū dute egoitza nagusia. Star Flier aire-konpainiak ere bai. 2009an Bridgestone konpainiak lantegi bat zabaldu zuen hirian errepidez kanpoko gurpil handiak egiteko (eraikuntzarako eta meatzaritzarako).

Hirian jaialdi ugari egiten dira baina denetan ezagunena Tobata auzoko Tobata Gion Yamagasa Matsuri da. 1802an sortu zen auzoa kaltetzen ari zen izurrite bati aurre egiteko errezuak egin zituztenean. Yamagasa izeneko "gurdi" handiak ateratzen dituzte kalera.