Kintoa
From Wikipedia, the free encyclopedia
Kintoa (gaztelaniaz: Quinto Real edo País del Quinto; frantsesez: Pays Quint), Aldubide, Alduide eta Aldude ere deitua, Nafarroa Garaiko iparraldeko baso- eta larre-eremua da, nagusiki pagadiek osatua eta 4.100 hektarea baino gehiagoko azaleran zabaltzen dena, Iparraldeko Kintoa delakoan 2.510 ha eta Hegoaldeko Kintoan 1.624 ha.
Datu azkarrak Kokapena, Herrialdea ...
Kintoa | |
---|---|
Kokapena | |
Herrialdea | Euskal Herria |
Probintzia | Nafarroa Garaia |
Udalerria | Erroibar eta Baztan |
Koordenatuak | 43°02′N 1°26′W |
Itxi
Muga hauek ditu: iparraldean, Aldude, Urepele (Baigorri); ekialdean, Auritz; hegoaldean, Erroibar, eta mendebaldean, Esteribar, Erregerena mendia eta Baztan. Kintoko oihanak guztiz aberatsak dira, eta aspaldidanik erabili dituzte Pirinioz bi aldeetako nafarrek bazkarako eta, geroago, industria hornitzeko (ezkurrak eta pagatxak; burdinoletarako egurra, zur-industria)