From Wikipedia, the free encyclopedia
Jonchereyko gudua Lehen Mundu Gerrako Mendebaldeko Frontean emandako lehen ekintza militarra izan zen. Belforteko barrutian eman zen, garaiko Frantzia-Alemania mugan. Borroka gerra "ofizialki" deklaratu baino egun bat lehenago eman zen, 1914ko abuztuaren 2an.
Jonchereyko gudua | |||
---|---|---|---|
Lehen Mundu Gerra | |||
![]() Jonchereyko herria XIX. mendearen amaieran | |||
Data | 1914ko abuztuaren 2a | ||
Lekua | Joncherey, Frantzia | ||
Koordenatuak | 47°31′47″N 7°00′07″E | ||
Emaitza | Frantziar garaipena | ||
Gudulariak | |||
| |||
Buruzagiak | |||
| |||
Indarra | |||
| |||
Galerak | |||
|
1914ko abuztuaren 2ko goizeko 6:00ak aldera Albert Mayer lotinant alemaniarrak, bere zalditeriako patruila txikiarekin batera, Frantziako muga legez kanpo zeharkatu zuen. Patruilak ez zuen erresistentziarik aurkitu, frantsesek mugatik 10 km-ra mugitu baitzituzten beren tropak borrokak sahiesteko helburuarekin.[1] Goizeko 9: 50etan, Mayerrek zentinela frantses bati sableaz eraso zion (baina ez zuen zauririk egin), Jonchereyko sarreran begirale lanak egiten ari zelarik. Herrian, Jules-André Peugeot kaboa, beste lau soldaduekin batera Joncherey-n akantonatuta zeuden, Louis Ducourt izeneko baten etxean. Gosaria jaten ari ziren bitartean Ducourten alaba, Adrienne, korrika iritsi zen, ohiuka: "Prusiarrak! Badatoz prusiarrak!"[2][3]
Goizeko 10:00ak aldera Peugeot eta bere taldeak alemaniarrak atxilotzera abiatu ziren. Elkarrekin topatu zirenean Mayerrek Peugeoten aurka hiru tiro egin zituen. Hiruretako batek Peugeoten sorbalda jo zuen, eta erortzen ari zela Peugeotek tiroka hasi zen baita. Peugeoten patruilakoek pistolekin tiroka hasi ziren, eta Mayer bi tiroz hil zuten; lehena besoan eta bigarrena buruan. Jules-André Peugeot 10:37etan Ducourten etxean hil zen.[4][2] Beste hiru alemaniar zauritu izan ziren; batek inguruko basoetara ihes egin zuen, non denbora batez ezkutatu zen frantziarrek atxilotu baino lehen, beste batek guztiz desagertu zen. Beste bik ihes egitea lortu zuten.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.