![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b0/Periodic_3-body_RKF_Integration.gif/640px-Periodic_3-body_RKF_Integration.gif&w=640&q=50)
Hiru gorputzen problema (grabitazioa)
From Wikipedia, the free encyclopedia
Hiru gorputzen problema planteatzen da Newtonen grabitazio unibertsalaren legea hiru gorputzeko sistema batean aplikatzen denean. Sistema bat hiru gorputzez osatuta dagoenean (Eguzkia-Lurra-Ilargia, esaterako), ebatzi beharreko problema oso konplexua bihurtzen da eta, orokorrean, ez dago modurik hiruren mugimenduen soluzioa kalkulatzeko.[1]
![Thumb image](http://upload.wikimedia.org/wikipedia/commons/thumb/b/b0/Periodic_3-body_RKF_Integration.gif/320px-Periodic_3-body_RKF_Integration.gif)
Gorputz bakoitzaren gaineko indarra beste biek eragindako indarraren batura bektoriala baino ez denez, erraz idatz ditzakegu higidura-ekuazioak. Baina, ekuazio horiek linealak ez direnez, ez dira ebazteko errazak: hiru gorputzeko sistemaren dinamika kaotikoa da, eta ez da soluzio analitiko orokor bat existitzen hori deskribatzen duenik. Soluzio orokorraren ezintasuna frogatu zuen Heinrich Brunsek XIX. mendean.