estatubatuar diplomazialaria, UNICEFeko zuzendari exekutiboa From Wikipedia, the free encyclopedia
Henrietta Holsman Fore (Chicago, 1948ko abenduaren 9a) UNICEFeko 7. zuzendari exekutiboa izan zen 2022ko urtarrilera arte.[1] Gero, Holsman International enpresako lehendakaria eta zuzendari nagusia izan da. George W. Bushen gobernuan hiru kargu izan zituen: Estatu Batuetako Nazioarteko Garapenerako Agentziaren (USAID) lehen emakume administratzaile eta Estatu Batuetako Kanpo Laguntzako zuzendaria, Estatu Departamentuko 11. Kudeaketa Idazkariordea eta Estatu Batuetako Altxorraren 37. zuzendaria izan zen.[2]
Henrietta H. Fore | |||||||
---|---|---|---|---|---|---|---|
![]() (2019) | |||||||
2018ko urtarrilaren 1a -
2005eko abuztuaren 2a - 2007ko azaroaren 15a
2001 - 2005 | |||||||
Bizitza | |||||||
Jaiotza | Chicago, 1948ko abenduaren 9a (75 urte) | ||||||
Herrialdea | ![]() | ||||||
Hezkuntza | |||||||
Heziketa | University of Colorado (en) ![]() University of Northern Colorado (en) ![]() Baldwin School (en) ![]() ![]() Wellesley College (1966 - 1970) Artean graduatu : historia, ekonomia, arte Oxfordeko Unibertsitatea (1986 - 1986) : Nazioarteko politika Stanford Graduate School of Business (en) ![]() (1987 - | ||||||
Jarduerak | |||||||
Jarduerak | diplomazialaria eta environmental health officer (en) ![]() | ||||||
Parte-hartzailea
| |||||||
Enplegatzailea(k) | Nazio Batuen Erakundea Haurren Laguntzarako Nazio Batuen Funtsa (2018ko urtarrila - | ||||||
![]() ![]() ![]() ![]() |
Chicagon jaioa, bere ama Suitzakoa zen eta bere aita Lehen Mundu Gerran militar aritu zen. Bere aitona Henry K. Holsman arkitektoa izan zen, Holsman Automobilen (1902-1911) asmatzailea.[3][4]
1970ean Wellesley College-en historian, ekonomian eta artean graduatu zen eta[5] 1975ean Ipar Coloradoko Unibertsitatean administrazio publikoan maisutza lortu zuen.[6] 1986an nazioarteko politika ikasi zuen Oxfordeko Unibertsitatean.
Unibertsitatea amaitu eta aitarena zen altzairuen industriako enpresa batean aritu zen hamabi urtez.[5] 1977tik 1989ra, Burbank-eko Stockton Wire Products-eko lehendakaria eta zuzendaria izan zen[7] eta 1981etik 1989ra, Pozacorp, Inc.-eko lehendakaria izan zen.[7]
Gero, Holsman Internationaleko lehendakari eta CEO-a izan da, Stockton Products eta Vincenzaren lehendakari eta jabea eta Seaward International Companyko lehendakaria eta bazkide kudeatzailea.[7] EQT Future Fund Batzordeko kidea ere bada; Inperative Careko zuzendari; Center for Strategic and International Studies-ko (CSIS) kontseilari; eta Munduko Bankuaren Taldearen Global Preparedness Monitoring Board Batzordeko kide.[8][9][10]
2001etik 2005era, Ameriketako Estatu Batuetako Monetaren 37. Zuzendaria izan zen AEBko Ogasun Sailak , Paul H. O'Neill Ogasuneko idazkariaren eta John W. Snow Ogasuneko idazkariaren zerbitzura.[11]
2005etik 2007ra, Estatuko Kudeaketa Idazkariordearen kargua izan zuen, Estatu Batuetako Estatu Departamentuko Eragiketen burua, Condoleezza Rice estatu-idazkariaren zerbitzura.[12]
2007ko maiatzetik 2009ko urtarrilera, Ameriketako Estatu Batuetako Nazioarteko Garapenerako Agentziako (USAID) 13. administratzailea eta Estatu Batuetako Kanpo Laguntzako zuzendaria, hau da, Estatu mailako idazkariordearen maila bera.[7]
2018ko urtarrilean, Antonio Guterres Nazio Batuetako idazkari nagusiak UNICEFeko zuzendari exekutibo izendatu zuen.[13] Karguan horretan, besteak beste, GAVI, Coalition for Epidemic Preparedness Innovation (CEPI) eta Munduko Osasun Erakundearekin lankidetzan aritu zen COVID-19ren txertaketa errazteko.[5] 2021eko uztailean, senarraren gaixotasuna zela eta, karguari uko egingo zion berria zabaldu zuen. Hala ere, ordezkaria aurkitu arte karguan mantendu zen.[14] Azkenik, 2022ko otsailaren 1ean Catherine M. Russell-ek karguan ordezkatu zuen.[15]