From Wikipedia, the free encyclopedia
Gaspar (beste hizkuntza batzuetan Casper, Kaspar, Jasper eta beste aldaera batzuekinere ezaguna) Hiru Erregeetako bat izan zen, Meltxor eta Baltasarrekin batera. Bibliak ez duen zehazten Mateoren Ebanjelioan nor edo zenbat izan ziren Magoak, baina VII. mendetik, magoak izen hauekin identifikatu dira mendebaldeko kristautasunean. Gaspar eta beste biak santutzat jotzen ditu Eliza Katolikoak.
Gaspar erregea | |
---|---|
Ezaugarriak | |
Sexua | gizonezkoa |
Ogibidea | astrologoa |
Kidetza | Errege Magoak |
Gaspar jakintsu ekialdetartzat jo izan dute tradizoek. 1913ko Entziklopedia Britainiarreko artikuluak zioenez, "mendebaldeko elizaren tradizioaren arabera, Baltasar Arabiako errege gisa irudikatzen da maiz, Meltxor Persiako errege gisa eta Gaspar Indiako errege gisa". Ertaroko Johannes de Hildesheim historialariak kokatu zuen bere jatorria Taxilan, zetaren bideko hiri batean.
Andreas Walspergerren 1448ko mapamundian Urrezko Khersonesoan kokatu zuen Gaspar, Malaiako penintsulan. Johannes Schönerrek 1515eko bere globoan marraztu zuenez, Gasparren erresuma Goi Indiako Egrisilla eskualdean zegoen Sinus Magnus edo Tailandiako golko delakoaren ekialdeko penintsulan.[1]
Tradizioaren arabera, San Gaspar martiri bihurtu zen. Magoen erlikiak Persian aurkitu zituen Santa Helenak, eta handik Konstantinoplara eraman zituzten lehenbiiz, eta gero Milanera. Handik Alemaniara iritsi ziren, eta orain Koloniako katedralean daude ustez Gasparren erlikiak, beste bi errege magoenekin batera.[2]
Errege Magoen ikonografia kristau ohikoan, Gaspar, tradizioz, bizar gorrixka batekin erretratatu izan dute hiru erregeen erdian, Meltxior baino gazteagoa eta Baltasar baino zaharragoa ohikoan.[3] Sarritan marraztu izan da Jesus Haurrari oparia ematen bigarren bailitzan bezala, Meltxorren ondoren eta Baltasarren aurretik.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.