![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/76/Pictographs_Recording_the_Allocation_of_Beer_%2528London%252C_England%2529.jpg/640px-Pictographs_Recording_the_Allocation_of_Beer_%2528London%252C_England%2529.jpg&w=640&q=50)
Garagardoaren historia
From Wikipedia, the free encyclopedia
Garagardoa garagarrez egindako alkoholdun edaria da. Munduko edari alkoholdunik kontsumituena[2] eta zaharrena da[3][4][5], eta edaririk kontsumituena ura eta tearen ostean. Garagardoa, teknikoki, zereal ezberdinetatik abiatuz egin da historian zehar, baina bere garapena garagarraren domestikazioari loturik egon da. Artikulu honetan, beraz, bi gaiei buruzko datuak ematen dira. Gizateriaren historiako idazkunik zaharrenetako batzuetan garagardoaren sorrera eta banaketari buruz hitz egiten da: Hammurabiren Kodean garagardoa eta garagardotegiak arautzen dira[6], eta Ninkasiren Ereserkian, Mesopotamiako garagardoaren jainkosari egindako abestian, errezoa zein garagardoa egiteko errezeta aipatzen dira, herriak gogoratzeko moduan[7][8].
![Thumb image](http://upload.wikimedia.org/wikipedia/commons/thumb/7/76/Pictographs_Recording_the_Allocation_of_Beer_%28London%2C_England%29.jpg/640px-Pictographs_Recording_the_Allocation_of_Beer_%28London%2C_England%29.jpg)
Historiaren zatirik handienean garagardoa prozesu artisaua izan da, baina industria iraultzatik aurrera masiboki sortu eta banatzeko aukera egon da[9]. Gaur egun botila eta latatan banatzen da, eta taberna zein pubetan presiopean atera daiteke zuzenean. Garagardoaren industria mundu mailako negozio bat da, enpresa multinazional gutxi batzuekin eta milaka produktore txiki eta ertainekin.