Estatilio Tauroren anfiteatroa
From Wikipedia, the free encyclopedia
Estatilio Tauroren anfiteatroa (latinez: Amphitheatrum Statilii Tauri) Antzinako Erromako anfiteatro bat izan zen.
Estatilio Tauroren anfiteatroa | |
---|---|
Kokapena | |
Estatu burujabe | Italia |
Eskualdea | Lazio |
Italiako hiri metropolitarra | Erromako hiri metropolitarra |
Hiria | Erroma |
Koordenatuak | 41°54′00″N 12°28′11″E |
Historia eta erabilera | |
Irekiera | K.a. 29 |
Izenaren jatorria | Titus Statilius Taurus (en) |
K.a. 29. urtean inauguratu zuten. Hura baino lehenagoko estadioak behin-behineko egiturak izaten ziren, eta ikuskizuna bukatu ostean desmuntatzen zituzten. Anfiteatroa Tito Estatilio Taurok ordaindu zuen. Estatilio Tauro jenerala eta politikaria zen, Augusto enperadorearen garaian bizi izan zen, eta aberastasun asko bildu zuen. Anfiteatroa ordaintzeaz gain, inaugurazioko lehen gladiatore jokoak ere ordaindu zituen.[1]
Anfiteatroa Erromako Marteren Zelaian eraiki zuten, tenplu eta antzoki berri asko eraiki ziren garaian.
Ez zen anfiteatro handi bat izan, eta garai hartako nahiak asebetetzen ez zituenez, K. o. 57. urtean Neronek zurezko Neronis anfiteatroa eraikitzea erabaki zuen.
64. urtean, Erromako Sute Handian, anfiteatro biak erraustu ziren.[2]
72. urtean, Vespasianok Amphitheatrum Flavium harrizko anfiteatro askoz handiago bat eraiki zuen, gaur egun Koliseoa deritzona.