Enterococcus
Diplokoko-motako bakterioa, hesteetan ugaria izanik, hantura garrantzitsuak sor ditzakeena / From Wikipedia, the free encyclopedia
Enterococcus generoa bakterio Gram positiboz osatuta dago, koko itxura dutenak. Koko horiek kate luzeak osatzen dituzte, eta batzuetan bikoteetan biltzen dira ere (diplokokoak). Ez dira mugitzen eta ez dute esporarik sortzen.
Enterococcus | |
---|---|
Sailkapen zientifikoa | |
Erreinua | Bacillati |
Filuma | Bacillota |
Klasea | Bacilli |
Ordena | Lactobacillales |
Familia | Enterococcaceae |
Generoa | Enterococcus [[Karl-Heinz Schleifer, Renate Kilpper-Bälz|]], 1984 |
Datu orokorrak | |
Gram tindaketa | Grampositibo |
Egitura zein metabolismoaren aldetik enterokokoek antza handia dute Streptococcus generoarekin. Garai batean enterokokoak Streptococcus barnean sailkatzen ziren, gizakia zein animalien hesteetan bizi ziren estreptokoko bakarrak izanik. 1984an, desberdintasun genetikoak direla eta, Streptococcus-tik bereizi ziren, talde propio bat sortuz.
Enterococcus generoko bakterioak heste-floraren partaideak dira, beste bakterio batzuekin batera (Enterobakterioak, Clostridium, Bacteroides...). Gure hesteetan Enterococcus faecalis eta Enterococcus faecium espezieak bizi dira, saprofito moduan. Traktu urogenitalean bizi daitezke ere infekzioak eragin gabe.
Enterokokoen ezaugarri biokimiko nagusiak honako hauek dira:
- anaerobio fakultatiboak
- katalasa (-)
- oxidasa (-)
- glukosaren hartzidura (+) (azido laktikoa sortuz eta gasik sortu gabe)
- gelatinaren hidrolisia (+)