From Wikipedia, the free encyclopedia
Danimarkako Museo Nazionala (danieraz: Nationalmuseet ), Kopenhagen, Danimarkako historia kulturaleko museorik handiena da. Bere bilduma Danimarkaren eta Danimarkako herriaren historian oinarritzen bada ere, munduko hainbat lekutako bildumak ere erakusten ditu.
Danimarkako Museo Nazionala | |
---|---|
![]() | |
![]() | |
Kokapena | |
Estatu burujabe | ![]() |
Estatu | ![]() |
Eskualdea | Hovedstaden |
Udalerria | Copenhagen Municipality |
Koordenatuak | 55°40′29″N 12°34′29″E |
![]() | |
Historia eta erabilera | |
Irekiera | 1849 |
Inaugurazioa | 1849 |
Zuzendaria | Rane Willerslev (en) ![]() Per Kristian Madsen (en) ![]() Carsten U. Larsen (en) ![]() Steen Hvass (en) ![]() Olaf Olsen (en) ![]() Peter Vilhelm Glob (en) ![]() Johannes Brøndsted (en) ![]() Poul Nørlund (en) ![]() Mouritz Mackeprang Sophus Müller (en) ![]() Christian Herbst (en) ![]() Jens Jacob Asmussen Worsaae (en) ![]() Christian Jürgensen Thomsen |
Bisitariak urtean | 1.377.000 |
Kontaktua | |
Helbidea | Ny Vestergade 10, 1471 København K |
Webgune ofiziala | |
Artikulu honek erreferentziak behar ditu. Hemen erreferentzia egiaztagarriak gehituz lagun dezakezu. |
Printzearen Jauregia hartu zuen egoitza gisa, 1744an eraikia, garai hartako Danimarkako printze jaraunslea Federikoren (Federico V 1746tik) egoitza izateko, Frederiksholm kanalaren ondoan, hiriaren erdian.
Bildumaren jatorria errege arte-ganberan dago, Federico III.ak Kopenhageko gazteluan 1650 inguruan sortua. Bertan pinturak, eskulanak, objektu etnografikoak, armak eta zaharkinak zeuden. 1849an, bilduma Estatuaren esku geratu zen, eta, ordutik, Museoak egungo egoitza du.
1994an, Museoen Europako Foroak urteko Europako Museoaren Urteko Saria (EMYA) eman zion, urtero museo berriak aintzatesten dituen saria, edo museoen arloan, aurrerapenak eta berrikuntzak ekarri dituen berritze lanak egin dutenak.
Ikusgai dauden piezen artean Danimarkako hamalau mila urtetik gorako objektu historikoak daude, Izotz Aroko elur-oreinen ehiztarien garaitik. Honako hauek aipa daitezke: ondo kontserbatutako zohikaztegietako gorpuak, Harri Aroko asentamenduetatik datozen objektuak, lureak (Brontze Aroko haize-instrumentuak), Burdin Aroko armak eta bitxiak, Danimarkako altxor bikingoak, Danimarkako monetarik zaharrena, eta Erdi Aroko eliza-objektuak, horien artean urrez bozeldutako aldare baliotsuak.
Museo Nazionalak Grezia, Erroma, Egipto eta Ekialde Hurbileko antzinako kulturetako objektu-bilduma handia eta askotarikoena ere badu. Adibidez, 1957an Iraken Tell Shemsaharako indusketa daniarrean aurkitutako objektu batzuk, momia egiptoarrak, txanpon grekoak eta erromatarrak eta beste kultura batzuetakoak, eta 4.000 urteko antzinatasuna duten marmolezko irudi grekoak gordetzen ditu.
Groenlandiako kutunak, Kolonaurreko Amerikako objektu erlijiosoak, Ipar Amerikako Lautada Handietako jantzi eta apaingarriak, samurai jantzi bat eta Hinduismoaren jainko-jainkosa estatuak ere ikus daitezke.
Gainera, Danimarkako herriaren historia, kultura eta identitateari buruzko erakusketak, Danimarkako historia eta hainbat pertsonen eguneroko bizitzako istorioak daude 1560tik 2000ra.
Printzearen Jauregiaren bildumaz gain, badira beste museo batzuk ere, Danimarkako Museo Nazionalaren mende daudenak. Besteak beste:
Kopenhagetik kanpo:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.