Cazalis Euskal Herriko hainbat lekutan hedaturik dagoen abizen okzitandarra da.
.jpg)
Abizen honek Okzitaniako Cazalis (Landak departamentua) zein Cazalis (Gironda departamentua) izeneko herrietan jatorria izan dezake.
Lea-Artibai eskualdean, ahozko tradizioan jaso da abizen horretako lehen pertsona Markina-Xemeinera ailegatu zela Napoleon Bonaparteren garaian: Pierre Cazalis. Horregatik, bere ondorengoei Pirrinekuek ezizena ezarri zitzaien.[1] Bizkaiko Elizaren Histori Artxiboan agertzen den Juan Pedro Cazalis Soulaet izan daiteke gizon hori, Justa Rufina Agirresarasua Sarasua anderearekin Pedro Gregorio (1807)[2] eta Joan Angel (1809)[3] semeak izan zituena, eta 1867an hil zena.[4]
Zarautzen dauden Cazalistarren artean, berriz, Donostiako Elizbarrutiko Artxibo Historikoan agertzen den lehen errejistroa Jose Faustino Cazalis Lapeira eta Micaela Larrañaga Odriozolaren arteko ezkontza-agiria da, 1880 urtekoa.[5] Familia honek Markina-Xemengoekin lotura izan dezake, lehen aipatu dugun Gregorio Cazalis Agirresarasuak Juana Ramona Lapeira Iriarte izeneko andrearekin ezkondu baitzen 1844 urtean;[6] eta Jose Faustino izeneko semea izan baitzuten 1854ean.[7]
XX mendean zehar Markina-Xemeingo familia honen adar bat Lekeitiora aldatu zen; harrezkero hedatu zen abizena herri honetan.[1]
Segundo Cazalis Areitio (Xemein, 1894) pelotari ezaguna izan zen, eta Cazalis Menor ezizenarekin,[8] Madrilen jokatu eta gero 1910eko eta 20ko hamarkadetan Kuban aritu zen. Madrilera itzulita Espainiako Gerra Zibila piztu zen; errepublikarren alde borrokatu zen. 1939an Habanara erbesteratu zen, eta bertan bizi izan zen 1959an hil arte. Bere seme Segundo Cazalis Goenaga (Habana, 1924) kazetari ospetsua izan zen Venezuelan eta Kuban,[9] eta 1968an Los Hijos de Gernika dokumentala zuzendu zuen.[10] Asier Cazalis musikari venezuelarra[11] ere adar honetako ondorengoa da.[1]
- Jose Maria Cazalis Eiguren (fr) politikari lekeitiarra.
- Mikel Kazalis musikari zarauztarra.
- Asier Cazalis (es) musikari venezuelarra.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
