Bresse Frantziako eskualde naturala eta antzinako probintzia da Auvernia-Rodano-Alpeak eta Borgoina-Franche-Comte eskualdeen lurrak hartzen dituena. Bertakoak bressetarrak dira. Bourg-en-Bresse da hiriburu historiakoa.
Bressek 4.000 km2 inguruko hedadura du. Mendebaldean Saona ibaiak markatzen du muga eta iparraldean Doubs ibaia. Ekialdean Jurako lehen muinek mugatzen dute eta hegoaldean Dombes eskualdearekin egiten du muga.
Erdi Aroan Bresse Bage-ko jaunen esku egon zen 1272an, oinordekotza bat medio, Saboiako etxearen eskura pasatu zen arte[1].
1601eko urtarrilaren 17an Saboiako Karlos Emanuel I.ak eta Frantziako eta Nafarroako errege Henrikek Lyongo tratatua sinatu zuten eta horren kontura Bresse, Bugey, Gexerria eta Valrommey Frantziako koroaren eskura pasa ziren eta Saluzzoko markeserria Saboiako etxearen eskura.
Industria- eta nekazaritza-jarduerak dira Bresseko ekonomiaren oinarriak, sektore honetakoak hain justu: industria agroalimentarioa, metalurgia, karrozeria, mekanika, garraioa eta osasuna.
Hegazti-hazkuntzak pisu handia du Bresseko ekonomian, 330 bat produktorek eta 1.200.000 hegazti urteko produkzioak adierazten duten bezala.
Lignito-meategiak ere badira.
Saboiako etxearen lurralde askotan bezala Bresseko hizkuntza nagusia frankoprobentzera izan da XX. mendearen erdi arte, 1970ko hamarkada arte hain justu[2]. Harez gero, ordezkatze-prozesua gertatu da, hizkuntzaren transmisioa eten delako eta belaunaldi gazteenen artean oso gutxi dira hiztunak[3]. Hortaz, frantsesa da eskualdeko ohiko hizkuntza.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
