![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/ad/Spinal_Cord_Sectional_Anatomy.png/640px-Spinal_Cord_Sectional_Anatomy.png&w=640&q=50)
Bizkarrezur-muin
From Wikipedia, the free encyclopedia
Bizkarrezur-muina ornodunek bizkarrezurraren barnean duten nerbio-kordoia da, garunaren luzapentzat jo daitekeena. Garunarekin batera nerbio-sistema zentrala osatzen du. Burezur zulogune okzipitalean hasi eta lehenengo orno lunbarreraino iristen da (45 cm inguruko luzera du).
Bizkarrezur-muin | |
---|---|
![]() | |
Xehetasunak | |
Honen parte | Nerbio-sistema zentrala Bizkarrezurra |
Konponenteak | cervical cord (en) ![]() thoracic cord (en) ![]() lumbar cord (en) ![]() sacral cord (en) ![]() coccygeal cord (en) ![]() |
Artikulazioa | burmuina |
Identifikadoreak | |
Latinez | medulla spinalis |
MeSH | A08.186.854 |
TA | A14.1.02.001 |
FMA | 7647 |
Terminologia anatomikoa |
Garunaren hezur-egitura babeslea garezurra da; bizkarrezur-muinarena, aldiz, bizkarrezurra.
Bere zeregin nagusia nerbio-seinaleen garraioan datza, harremanetan jartzen baitu gorputza eta garuna. Izan ere, nerbio-seinale eragileak (garunetik gorputz enborrera eta adarretara doazenak) eta zentzumenezkoak (kontrako norabidean doazenak) garraiatzen ditu. Bizkarrezur-muinetik 31 nerbio espinal abiatzen dira, aipatutako seinaleak eramaten dituztenak.
Garunean gertatzen denaren aldean, bizkarrezur-muinean kontrakoa gertatzen da: gai zuria kanpoaldean dago, eta gai grisa barnealdean. Gogoratu gai grisa neuronen gorputzez (soma izenekoez) osatuta dagoela, eta gai zuria neurona horien axoiez (mielinaz bilduta daudenak). Muinaren zehar-ebakia eginez gero gai grisa barneko zatian ikusten da, eta H itxura du. H horren erdian hodi fin bat dago, ependimo-hodia, muinaren erdialdea burmuineko bentrikuluekin harremanetan jartzen duena. Isurkari zerebroespinalez beterik dago.