From Wikipedia, the free encyclopedia
Bilboaldeko Metropoliaren Hegoaldeko Saihesbidea, Supersur izenez ezagutzen dena, Bilboaldeko mendebaldean dagoen ordainsari bidezko autobidea da.
Bilboaldeko Metropoliaren Hegoaldeko Saihesbidea | |
---|---|
Kantauriko Autobidea | |
![]() | |
Geografia | |
Lurraldea | Bizkaia |
Ezaugarriak | |
Loturak | BI-636 Bilbao-Zaragoza autobidea Q85866556 ![]() |
Sistema | Bizkaia Errepide Sarea |
Guztira 36 kilometroko luzera izango du eta 1.280 milioi euroko kostua. Hiru fasetan eraikiko da, eta lehen tartea 2011. urtean martxan jartzea espero da. Bidesaridun autobide honen helburu nagusia A-8 autobideak gaur egun jasaten duen trafiko handia arintzea izango da. Zailtasun handia izango du autobidearen eraikuntzak, izan ere, Bilbo hego-mendebaldekoa, oso gune menditsua da, eta horregatik, hainbat tunel eta bidezubi eraiki beharko dira.
Lehen faseak, Trapagaran eta Arrigorriagako udalerriak batuko zituen. Lehen fasea gainera, bi zatitan banatzen da, bata Trapagaran eta Bilboko Peñascal auzoaren artekoa, eta bestea Venta Altararte doana. Peñascalen, AP-8 autobidearekin lotu du Supersur autobideak.
Guztira hamalau kilometroko luzera du, horietatik zortzi tunelak dira. Ibilbidearen tarte honetan, zazpi tunel dira guztira: Argalario, Mesperuza, Santa Ageda, Arraitz, Larraskitu, Arnotegi eta Seberetxe. Horrez gain, erliebearen zailtasuna dela eta bost bidezubi eraiki dira: Trapagaran, Gorostiza, Kadagua, Peñascal eta Bolintxukoak.
Guztira Hegoaldeko Saihesbidearen tarte honek lau lotune izango ditu AP-8 autobidearekin, Trapagaran, Kadagua, Larraskitu eta Venta Altan. Lehen faseak guztira 707 milioi euroko kostua izan zuen.
Bigarren faseak Venta Alta eta Zornotzako Kortederra auzoak batuko ditu. Guztira hamaika kilometroko luzera izango du, eta ibilbidearen erdia tunelak izango dira. Tarte honen eraikuntza eta inaugurazioa oraindik ez daude zehazturik, eta lehen fasea noiz amaitzen den baldintzaturik dago.
Ibilbidean zehar guztira lau tunel izango dira: Tximintxe, San Anton, Bekea eta Burtozamendikoak. Horrez gain, lau bidezubi eraikiko dira, AP-68 autobidean, Nerbioi ibaiaren gainean, Ibaizabal ibaiaren gainean, eta Kortederran. Eta AP-8 eta AP-68 autobideekin hiru lotura eraikiko dira, Venta Alta, Galdakao eta Kortederran. Bigarren faseak guztira 336 milioi euroko kostua izango du.
Hirugarren fasea Muskizgo San Fuentes auzotik Trapagaranera luzatuko da. Fase hau, azkena eraikitzen izango litzakete, eta ez dago oraindik argi eraikitzea beharrezko izango den. A-8 autobidea Barbadun ibaia zeharkatzen duen bidezubia handitu beharko da, bertatik hasiko delarik autobidea.
Hirugarren faseak zazpi kilometroko luzeera izango du, eta guztira hiru tunel, Murrieta, Gallarta eta Zaballan. Horrez gain, beste hiru bidezubi eraikiko dira, El Bao, Zaballa eta La Bateriakoak. Guztira hiru lotune eraikiko dira autobide honen eta A-8 autobidearen artean, Montaño, Sanfuentes eta Ugarten. Hirugarren faseak guztira 244 milioi euroko kostua izango du.
Guztira, hamahiru tunel eta bidezubi eraikiko dira. Gallartako tunela, bere 4.350 metroko luzerarekin, Euskal Herriko tunelik luzeena izango da, AP-1 autobidean eraikitzen ari diren tunelen luzera ere gaindituz.