![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/fd/TrailerUSHelp.jpg/640px-TrailerUSHelp.jpg&w=640&q=50)
Bideoklip
From Wikipedia, the free encyclopedia
Bideoklip kanta edo bestelako konposizio musikal baten inguruan bideoz eginiko film labur txikia da.[1] Hau bideo, telebista edota internet bidez zabaltzen da, kanta irudi bidez bisualki irudikatuz. Nahiz eta batzuetan zuzeneko ikuskizuna besterik ez grabatu, badaude animazioa, dokumentalak edo beste teknikak erabiltzen dituztenak; esaterako, bideo eran grabatzea eta editatzea, eta era zinematografikoan manipulatzea.[2]
![Thumb image](http://upload.wikimedia.org/wikipedia/commons/thumb/f/fd/TrailerUSHelp.jpg/640px-TrailerUSHelp.jpg)
Ez du definizio zehatzik. Hara ere, Euskaltzaindiaren hiztegiak honela denifitzen du: "Bideoz eginiko film laburra, kanta edo kideko musika-lan bat ezagutzera emateko, soinu horrekin eta lagungarri diren irudiekin egiten dena."[3]
Efektu bisual eta elektroniko askorekin egin ohi dira oso dinamikoak izateko eta, honela, ahalik eta ikus-entzule gehien erakartzeko. Horregatik, sormena eta esperimentazio gehien erabiltzen dituen ikus-entzuneko generoa da. Aldi berean, arrazoi berdinagatik, gai honetaz ezagutza asko dituzten pertsonak beharrezkoak dira; hala nola, planoetan, zailtasun ezberdinetako kamera mugimenduetan eta argiztapen tratamenduetan adituak direnak.