![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b9/Bacillus_subtilis_Gram.jpg/640px-Bacillus_subtilis_Gram.jpg&w=640&q=50)
Bacillus
From Wikipedia, the free encyclopedia
Bacillus generoa bakterio Gram positiboz osatuta dago, bazilo handiak direnak. Bakterio handienetarikoen artean daude, batzuek 4 mikrako luzera erraz gainditzen baitute. Aerobio ala fakultatiboak izan daitezke.
Bacillus | |
---|---|
![]() | |
Sailkapen zientifikoa | |
Erreinua | Bacillati |
Filuma | Bacillota |
Klasea | Bacilli |
Ordena | Caryophanales |
Familia | Bacillaceae |
Generoa | Bacillus Cohn, 1872
|
Datu orokorrak | |
Gram tindaketa | Grampositibo |
Bacillus generoaren berezko ezaugarria endosporak sortzeko duen gaitasuna da. Bakterio gutxik dute endosporak eratzeko ahalmena: Bacillus-ez gain, Clostridium, Sporosarcina eta Desolfotomaculum generoek, besterik ez. Endosporak erresistentzia egiturak dira, bakterioak bizirik irauteko sortzen dituenak ingurunearen baldintzak aurkakoak eta kaltegarriak direnean.
Genero honen barnean aniztasun metaboliko eta ekologiko handia dago: espezie gehienak lurrean bizi badira ere, badaude ur gazitan zein gezatan aurkitzen direnak.
Industria farmazeutikoan bi espezie dira preziatuak: Bacillus polymyxa eta Bacillus subtilis, polimixina eta bazitrazina antibiotikoak, hurrenez hurren, ekoizten dituztenak.
Nabarmentzeko modukoak dira espezie hauek ere:
- Bacillus anthracis, karbunkoaren eragilea
- Bacillus cereus, janari-intoxikazioak eragiten dituena
- Bacillus thuringiensis, insektuen patogenoa
- Bacillus megaterium, bakterio handienetariko bat
- Bacillus coagulans, janari eta kontserben hondatzailea
![]() |
Wikimedia Commonsen badira fitxategi gehiago, gai hau dutenak: Bacillus ![]() |
Datuak: Q212032
Multimedia: Bacillus / Q212032
Espezieak: Bacillus (Bacillaceae)