Barakaldo Bilboko metroaren 2. lineari dagokion lurrazpiko geltokia da, Barakaldoko erdigunean kokatuta dagoena, Askatasuna etorbidean hain zuzen. 2002ko apirilaren 13an inauguratu zen, eta Bizkaiko Garraio Partzuergoaren 2. tarifa-gunean dago.
Barakaldo | ||||||||
---|---|---|---|---|---|---|---|---|
![]() | ||||||||
![]() | ||||||||
Lineak | ||||||||
| ||||||||
Kokapena | ||||||||
Helbidea | Askatasuna etorbidea, 1; 48902 | |||||||
Udalerria | Barakaldo, ![]() | |||||||
Geltokiaren datuak | ||||||||
Kodea | BAR | |||||||
Gunea | 2. gunea | |||||||
Irekiera | 2002ko apirilaren 13a | |||||||
Bidaiariak | 3.514.159 (2017)[1] | |||||||
Irisgarria | ![]() | |||||||
Zerbitzuak | ![]() ![]() ![]() ![]() | |||||||
Aldageltokia | ![]() ![]() ![]() | |||||||
Nasak | 2 | |||||||
Trenbideak | 2 | |||||||
Jabea | Euskal Trenbide Sarea Bizkaiko Garraio Partzuergoa | |||||||
Eragilea | Metro Bilbao | |||||||
Garraio zerbitzuak | ||||||||
Metroa | L2Basauri - Kabiezes | |||||||
Bizkaibus | A3136 Bilbo - Barakaldo - Santurtzi A3144 Bilbo - Gurutzeta - Barakaldo (Ugartetik) | |||||||
Kbus | 2 Errekatxo - Lasesarre | |||||||
Bestelakoak | ![]() |
Geltokiak eskailera mekaniko bidezko hiru sarbide eta igogailu bidezko sarbide bat ditu, horietariko bi sarbide eta igogailua Bide Onera plazaren inguruan.
Norman Fosterrek diseinatutako haitzulo motatakoa da. Bolumen handi bakar batean zulatzen den ganga itxurako galeria da, 100 metro inguru luzerakoa, eta hari zintzilikatuta bi mezzanina izeneko plataforma banatzaile daude. Mezzanina bakoitza alboko bi nasekin elkarlotzen da eskailera monumentalen eta igogailuen bidez, eta kaleko sarbideen igogailu eta eskailerekin korridore zabalen bidez. Mantenu elementuak, hala nola aireztapena, kableak, ur-hodiak eta abar nasen azpian kokatzen dira.
Geltoki hauetako arkitekturan hiru material nagusi erabili dira: hormigoia, altzairu herdoilgaitza eta beira. Azalak hormigoi ikusizkoak dira, 240 x 120 zentimetroko modulo plaka aurrefabrikatuak erabilita eta hormigoi bonbeatuzko estalduraren enkofratu galduak direnak. Mezzanina elementuen egitura altzairu herdoilgaitzezkoa da, haitzulo pisutsuaren irudia arinduz. Sarbide korridoreak hormigoizko kanoi eliptikoak dira, espazio zabalak lortuz. Kalean, Fueros eta Elkano sarbideen kanoiak altzairu eta beirazko elementu bilakatzen dira, fosterito izenpetutako bidaiaria jasotzeko sarrera gardenak, alegia.[2] Aldiz, Avda. Euskadi sarbidearen kanoia agerian utzi eta ez da fosterito motatako sarrerarik erabili, sarbidea maldan dagoelako.
Geltokia igogailu, txarteldegi, balioztatze makina eta 2017tik desfibrilagailuz ere hornituta dago, eta doako Wi-Fi zerbitzua eskaintzen da, WifiNova enpresaren [TUWI] Metro sarearen bitartez.[3][4]
Geltokiaren kanpoaldean Kbus eta Bizkaibus zerbitzuak hornitzen dituen autobus geralekua dago. Hurrengo lineak geralekutik pasatzen dira:
| ||||
Kbus | 2 | Urkullu (Errekatxo) | Murrieta (geltokia) (Lasesarre) | |
Bizkaiko Garraio Partzuergoak urtero argitaratzen dituen bidaiarien datuen arabera, geltokiak hurrengo bidaiari kopuruak zenbatzen ditu:[5]
![]() |
2012tik 2. lineako adarraren geltokirik erabiliena da, Gurutzetako geltokia gaindituz, eta 2017an 3.514.159 bidaiari jaso zituen.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.