idazle espainiarra From Wikipedia, the free encyclopedia
Ana María Briongos Guadayol (Bartzelona, 1946ko abenduaren 29a – 2024ko ekainaren 25a[1]) kataluniar idazlea izan zen.
| Ana María Briongos | |
|---|---|
 | |
| Bizitza | |
| Jaiotza | Bartzelona, 1946ko abenduaren 29a |
| Herrialdea |  Katalunia |
| Heriotza | 2024ko ekainaren 25a (77 urte) |
| Hezkuntza | |
| Hizkuntzak | gaztelania katalana |
| Jarduerak | |
| Jarduerak | idazlea |
| Jasotako sariak | ikusi
|
| ana-briongos.net | |
Bartzelonako Unibertsitatean fisikan lizentziatuta, Teherango Unibertsitatera joan zen persiera eta literatura ikastera. Iranen, Afganistanen eta Indian lan egin zuen garai batean aholkulari eta interprete gisa. Hainbat bidaia gida idatzi zituen, esperientzia pertsonaletan oinarrituta: Un invierno en Kandahar, La cueva de Alí Babá, Negro sobre Negro eta ¡Esto es Calcuta![1]
BTV kateko Saló de lectura saioan, Canal 33 kateko Millenium saioan eta Telemadrid kateko Noches Blancas saioan[2] parte hartu zuen, baita Radio Euskadiko Levando anclas saioan[3] eta Catalunya Ràdioko Els viatgers de la Gran Anaconda saioan ere[4][5]. 2020ko urtarrilean Betevé kateko Va passar aquí saioan agertu zen[6].
Ikastaroak eta hitzaldiak eman zituen hainbat unibertsitatetan eta erakundetan, besteak beste Bartzelonako Unibertsitatean, Casa Asian eta Casa Áraben[7][8].
2013tik 2015era Espainiako Geografia Elkartearen zuzendaritza batzordeko parte izan zen[9].
Briongosen idazlanei buruz idatzi dute, besteak beste, Plàcid Garcia-Planasek[10], José Martí Gómezek[11], Joaquim Roglanek[12], Javier Fernández de Castrok[13] eta Tony Wheelerrek, Lonely Planet argitaletxearen sortzaileak[14].
2024ko ekainaren 25ean hil zen, 77 urte zituela[1].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
