Abodi mendilerroa
Euskal Herriko mendilerroa From Wikipedia, the free encyclopedia
Abodi Nafarroa Garaiko ipar-ekialdeko mendilerroa da, mendebaldeko Pirinioen aurrean dagoena, eta Iratiko ingurunea Aezkoa eta Zaraitzu ibarretatik banatzen duena. Mendebaldeko muturrean Taplako gaina eta ekialdekoan Ollokiako lepoa ditu, eta tartean Alforjas-etako pausoa. Irati ibaia bere beheko aldean eta Anduña erreka ekialdearen muturrean sortzen dira. Mendilerroan dagoen Abodi mendiak ematen dio izena mendilerroari.
| Abodi mendilerroa | |
|---|---|
 | |
| Datu orokorrak | |
| Mendirik altuena | Abodi |
| Garaiera | 1.533 m |
| Mota | mendilerro |
| Geografia | |
 | |
| Koordenatuak | 42°57′02″N 1°07′35″W |
| Honen parte da | Aezkoako mendiak |
| Mendikatea | Pirinioak |
| Herrialdea |  Euskal Herria |
| Foru erkidego |  Nafarroa Garaia |
Gora-behera handirik gabeko mendilerro laua da, 10 tontor 1.100-1.550 metro ingurutan kokatuta dituena, mendebaldetik ekialdera hauek direlarik:
- Abodi, 1.531 m[1][2]
- Abodi Mendebaldea, 1.496 m
- Idorrokia, 1.491 m
- Arrizabala edo Dukea, 1.481 m
- Goñiburu, 1.461 m
- Gaztanbidea, 1.460 m
- Cruz de Osaba, 1.438 m
- Bizkarraundi, 1.426 m
- Auztarri, 1.412 m
- Goñiburu Txikia, 1.403 m
- Martxate, 1.403 m
- El Cerrillar, 1.391 m
- Berrendi, 1.351 m
- Ugaibel, 1.243 m
- Bonbagaina, 1.188 m (Abaurreko mendi-oinak)
- Harri Eder Gaina, 1.175 m
- Ugatreina, 1.171 m (Abaurreko mendi-oinak)
- Itzagibel, 1.169 m (Abaurreko mendi-oinak)
- Gazteluzar, 1.156 m (Abaurreko mendi-oinak)
- San Miguel, 1.138 m
- Goimendi, 1.131 m
- Petxuberro, 1.096 m
- Gazteluaundi, 1.081 m (Abaurreko mendi-oinak)
- Artatxo, 1.078 m
- Muskilda, 1.071 m
- Mitxiliburua, 1.063 m (Abaurreko mendi-oinak)
- Gaztelutxipia, 1.061 m (Abaurreko mendi-oinak)
- Aixkourrua, 1.024 m
Esan bezala, hiru pauso edo igarobide zeharkatzen dute mendilerroa: Mendebaldean, Taplako mendate txikia Otsagabitik Iratira doan errepidean dago, Aezkoako haranean. Bertatik mendebaldeko tontorretara irits daiteke, Idorrokia, Goñiburu, Bizkarraundi, Berrendi eta Auztarrira alegia.
"Alforjas"etako igarobidea oinez zeharkatzen da Muskilda edo Otsagabi aldetik, Zaraitzun, eta artzainek tradizionalki erabilitakoa izan da, izena hortik datorkiola. Pauso honetatik Arrizabala, Abodi eta Abodi Mendebaldea tontorretara erraz ailegatzen da.
Azkenik, ekialdean Ollokiako lepoa Otsagabitik Larraineranzko errepidean dugu, eski estazioaren sarbidean. Hortik aise iristen da Gaztanbidea mendira.
Mendilerroaren gandorrean zehar hainbat trikuharri (Gibelea, Idorrokia I, II eta III, Harriluze, Arburuas, Bortubizkarra, Gaztanbidea) eta zutarri topa daitezke, historiaurreko gizakia hor inguruan bizi zelako aztarnak direnak.
Inguruko mendietan ere antzeko aztarnak daude, eta Okabekoak hoberen kontserbatutakoak ditugu.
Abodiko ekialdeko muturrean, Otsagabitik Larrainera doan errepidean, Abodi-Zaraitzu eski nordikoaren pistetara sartzeko bidea dago.
Pirinioetako hegoaldeko isurialdea aldenik zeharkatzen duen GR 11 ibilbidea bertatik igarotzen da.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
