1993ko World Trade Centerreko atentatua

1993ko World Trade Centerreko atentatua New Yorkeko World Trade Center gunean egindako eraso terrorista izan zen. 1993ko otsailaren 26an (ostirala), eguerdiko 12:17an, Ipar Dorreko (WTC 1) aparkalekuan 680 kg lehergai zeramatzan kamioi bat eztanda egin zuen.

1993ko World Trade Centerreko atentatua
Mota	bonba-auto bidezko atentatu
Data	1993ko otsailaren 26a
2001eko irailaren 11ko atentatuak →
Kokaleku	World Trade Center
Herrialdea	Ameriketako Estatu Batuak
Parte-hartzaileak	Ramzi Yousef (en)  (erantzule) Eyad Ismoil (en)  (erantzule) Mahmud Abouhalima (en)  (erantzule) Ahmed Ajaj (en)  (erantzule) Mohammed A. Salameh (en)  (erantzule)
Helburu	World Trade Center
Pertsona hilak	6
Pertsona zaurituak	1.042

Terroristek iparraldeko dorrean 606 kg lehertzea zuten helburu,^[1] eta dorreak hegoaldeko dorrean talka egitea, bi dorreak eraitsiz, ehunka hildako eragiteko.^[2][3] Atentatuak huts egin eta azkenean sei pertsona hil eta 1.042 zauritu izan ziren.^[4] Eztandak 30 metroko sakonerako zulo bat ireki zuen dorreko aparkalekuan, lau hormigoi-maila zeharkatuz. Garai hartan, ehunka pertsona geratu ziren bulegoetan harrapatuta, eta FDNYk erreskatatu zituen.

Ramzi Yousef, Sheik Omar Abdel-Rahman, El Sayyid Nosair, Mahmud Abouhalima, Mohammad Salameh, Nidal Ayyad, Ahmad Ajaj eta Abdul Rahman Yasin konspiratzaileek antolatu zuten atentatua. Horretarako Afganistanen lan egiten zuen Al-Qaedako kide baten finantziazioa jaso zuten, Khaled Shaikh Mohammed, Yousefen osaba.

1994ko martxoan, lau gizon jo zituzten atentatuaren erruduntzat: Abouhalima, Ajaj, Ayyad and Salameh. Karguek konspirazioa, jabetza baten suntsiketa leherkorra eta estatu arteko lehergailuen lekualdaketa barne hartzen zituzten. 1997ko azaroan, beste bi gizon erruduntzat jo zituzten: Ramzi Yousef, atentatuaren buru nagusia, eta Eyad Ismoil, bonbak zeramatzan kamioia gidatzen zuena.

Erreferentziak

1. (Ingelesez) Whitlock, Craig. (2005-7-5). «Homemade, Cheap and dangerous – Terror Cells Favor from Simple Ingredients In Building Bombs» The Washington Post.
2. (Ingelesez) Childers, J. Gilmore; DePippo, Henry J.. (1998-2-24). «Senate Judiciary Committee Hearings: Foreign Terrorists in America: Five Years After the World Trade Center» US Senate Judiciary Committee.
3. (Ingelesez) Wright, Lawrence. (2006-8-8). The Looming Tower. Knopf Doubleday Publishing Group, 178 or. ISBN 9780307266088..
4. (Ingelesez) FBI. (2008-2-26). FBI 100 First Strike: Global Terror in America. .

Kanpo estekak

• Datuak: Q11240
• Multimedia: 1993 World Trade Center bombing / Q11240