Thunstetten estis ĝis la 31-a de decembro 2009 komunumo de la distrikto Aarwangen kaj ekde la 1-a de januaro 2010 komunumo de la administra distrikto Supra Argovio en Kantono Berno, Svislando. Ĝi havis 2972 loĝantojn je la 31-a de decembro 2007.
Thunstetten | |
---|---|
![]() | |
Blazono de Thunstetten | |
Thunstetten, rigardo al la preĝejo | |
komunumo en Svislando | |
Kantono | Berno |
Administra distrikto | Supra Argovio |
Malnova distrikto ĝis 2009 | Aarwangen |
Geografia situo | CH1903: 624118 / 228154 (mapo)47.2038888888897.7569444444444 |
Nombro de loĝantoj | 2972 |
Areo | 9,7 km² |
Alteco | 504 m super marnivelo |
Poŝtkodo | 4922 |
Komunumkodo | 0342 |
![]() | |
Geografio
Thunstetten situas en la regiono Supra Argovio inter Herzogenbuchsee kaj Langenthal. La komunumo estas parto de la aglomeraĵo konsistanta el la urboj Langenthal, Burgdorf kaj la komunumo Herzogenbuchsee.
Thunstetten konsistas el la vilaĝoj Thunstetten kaj Bützberg. Krome al ĝi apartenas la setlejoj Butzimatt, Erlenmoos, Forst, Im Holz, Hof, Ischmatt, Längmatt, Moos, Auf dem Rain, Rank, Rängershäusern, Sängeli, Weissenried, Welschland kaj Wischberg.
Najbaraj komunumoj
La komunumo Thustetten limas en nordo al Aarwangen, en oriento al Langenthal, en sudo al Bleienbach, kaj en okcidento al Thörigen, Herzogenbuchsee kaj Graben.
Trafiko
Kvankam tra Thunstetten pasas la fervojlinio de Zuriko al Berno, la komunumo ne disponas pri propra stacidomo. Tamen ĝia atingeblo estas bonega. La stacidomo Langenthal BE piede atingeblas en kvaronhoro kaj estas konektita per loka buso kun Thundorf.
Historio
Jam antaŭ 1210 en Thunstetten ekzistis johanita komturejo, kiu ek de 1274 posedis propran sigelon.
La municipo Bützberg estis unuan fojon menciita en la jaro 1267 kiel Bucceberc. Ek de 1857 Buchberg disponis dum cent jaroj pri propra stacidomo ĉe la fervojlinio de Zuriko al Berno, kiu tamen post cent jaroj estis fermita kaj anstataŭigita per buslinio al la stacidomoj de Herzogenbuchsee kaj Langenthal.
Vidindaĵoj
En Thunstetten situas la malgranda Kastelo Thunstetten, kiu inter la jaroj 1713 ĝis 1715 estis konstruita por Hieronymus von Erlach en la stilo de la Kastelo de Versailles.
Fontoj
Tiu-ĉi artikolo baziĝas parte sur libera traduko de la koncerna artikolo en la germanlingva Vikipedio.
Eksteraj ligiloj
- Vidu ankaŭ en la Vikimedia Komunejo la kategorion Thunstetten – (Kolekto de bildoj kaj plurmediaj dosieroj)
Bildoj
- Kastelo Thunstetten
- Kastelo Thunstetten, enirejo
- Reformita preĝejo
- Gastejo Löwen
- Arbobredejo ĉe la vilaĝeniro
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.