From Wikipedia, the free encyclopedia
Wilhelm Bernhard TROMMSDORFF (naskiĝinta en la 16-a de julio 1738 en Erfurto, mortinta samloke en la 6-a de majo 1782) estis germana medicinisto, kemiisto kaj botanikisto.[1]
La filo de la majenca garnizonapotekisto Wilhelm Hieronymus Trommsdorff (1708–1768), kiu posedis ekde 1734 la Schwan-apotekon en Erfurto, baptitis en la 17.6.1738 en la Kirko de la komercistoj.[2] Unue li frekventis en sia naskiĝurbo la lernejon de sia baptokomunumo, ekde 1753 la Konsilantargimnazion. En 1756 li ekstudentis ĉe la Universitato de Erfurto. Poste li kontinuigis la studojn en Göttingen.[3]
Post la morto de la patro Trommsdorff transprenis la apotekon en 1768. Ĉar li komisiitis iĝi privata kuracisto de la majenca guberniestro Karl Theodor von Dalberg kaj deĵoris krome kiel ĝenerala kuracisto kaj akademiano, li transdonis la estradon de la apoteko al administrantoj el kiuj menciindas (1781/82) la posta universitata profesoro (en Halle) Friedrich Albrecht Carl Gren.
Jam ekde la 17.10.1767 Trommsdorff estis membro de Akademie gemeinnütziger Wissenschaften, ekde 1768 profesoro pri medicino kaj kemio en Erfurto. En la 10.10.1772 li iĝis membro de Akademio Leopoldina en Halle.[4] Inter la studentoj de Trommsdorff en Erfurto nombriĝis i.a. Sigismund Friedrich Hermbstädt.[5]
Trommsdorf estis verkisto de diversaj farmaciaj verkoj.[6]
Lia avo estis profesoro pri teologio, Johann Samuel Trommsdorff; lia filo estis la apotekisto kaj farmaciisto Johann Bartholomäus Trommsdorff. Li mortis 43-jara post longa malsaneco.[7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
