Whitby

Whitby estas fiŝboata haveno kaj turista urbo en la provinco North Yorkshire ĉe la nordorienta marbordo de Anglio. Ĝi troviĝas ĉe la estuaro de la rivero Esk kaj pro la marborda kurbo frontas pli norde ol oriente. La nomo de la urbo venas el la dana lingvo kaj signifas "blanka urbo".

Whitby
urbeto civila paroĥo vd
Blazono
Administrado
Ĝemelurboj Anchorage Stanlejo Kauai County (en) Porirua East Fremantle (en) vd
En TTT	Oficiala retejo [+]
Demografio
Loĝantaro	13 594  (2001) [+]
Geografio
Geografia situo	54° 29′ N, 0° 37′ U (mapo)54.4858-0.6206 [+]
Horzono	UTC±00:00 [+]
Whitby (Britio) DEC Situo de Whitby
Alia projekto
Vikimedia Komunejo Whitby, North Yorkshire [+]
v • d • r

La urbo vastiĝas supren sur la krutaj flankoj de la Esk-valo. Sur la okcidenta klifo situas la plejparto de la urbo, sed sur la orienta klifo troviĝas la impona ruino de Whitby Abbey (abatejo) kaj ankaŭ la Preĝejo de Sankta Maria (St Mary). Por atingi la orientan klifon oni devas veturi longdistance laŭstrate aŭ surgrimpi la famajn 199 ŝtupojn, aŭskultante al aliaj nombrantaj grimpantoj. Sur la orienta klifo oni vidas la statuon de ŝipestro James Cook, kiu eknavigis el Whitby, kaj arkon de barto honore de la historia balenindustrio.

Stranga vizitindejo ĉe Whitby estas la Drakula Muzeo – grandparto de la romano de Bram Stoker okazis tie, inkluzive de la alveno de Drakulo sur ŝipo albordigita en la haveno. Dum sunsubiro super la apuda Promontoro Kettleness Lucy observis de la preĝeja korto, sed ŝi ne sciis kiom da ŝtupoj ŝi suprengrimpis por alveni tien.

Apud Whitby okazis la katastrofo de la hospitala ŝipo Rohilla je 30-a de oktobro 1914, kiu fundeniĝis sufiĉe proksime de la marbordo. 85 homoj mortis kaj plejparte enteriĝis en la preĝeja korto. Eble Rohilla sinkis, eble ĝi trafis minon, raportoj diferencas.

• Kategorio Whitby en la Vikimedia Komunejo (Multrimedaj datumoj)

PeEnEo: 17119 GND: 4546273-2 LCCN: n81125629 VIAF: 133704849