Venceslaus Ulricus Hammershaimb

Venceslaus Ulricus HAMMERSHAIMB [VENSeslaŭs ulRIKus HAMershajm] (25-a de marto 1819 - 8-a de aprilo 1909 en Kopenhago), ankaŭ nomata V. U. Hammershaimb aŭ simple Venzel Hammershaimb, estis Feroa paroĥestro kaj filologo. Oni konsideras lin la fondinto de la moderna feroa skribita lingvo.

Venceslaus Ulricus Hammershaimb
Persona informo
Naskiĝo	25-an de marto 1819 (1819-03-25) en Sandavágur
Morto	8-an de aprilo 1909 (1909-04-08) (90-jaraĝa) en Kopenhago
Religio	luteranismo vd
Lingvoj	dana • feroa vd
Ŝtataneco	Reĝlando Danio vd
Familio
Infanoj	Hjalmar Hammershaimb (en) vd
Profesio
Okupo	filologo verkisto pastoro vd
Honorigoj Honorigoj (1897)  Decoration of the Cross of Honour of the Dannebrog (en) (1874)  Knight of the Order of the Dannebrog (en) vd
En TTT	http://www.hammershaimb.dk
vd	Fonto: Vikidatumoj
v • d • r

Venceslaus Ulricus Hammershaimb sur poŝtmarko

La patra flanko de la Hammershaimb-a familio originis en Germanio, sed li mem kreskis Feroe kaj sentis sin feroano. Li studis teologion en Kopenhago, kie li ekkonis Danan pastron kaj filozofon Grundtvig. Tamen li ekloĝis Feroe en 1855, kaj li pastriĝis en insulo Streymoy. Lin ade interesis la feroaj dialektoj, kaj li multe studis sian lingvon. En 1867 li iĝis Feroa paroĥestro, kaj li ĉeestis la Feroan asembleon dum tri periodoj. Li vivis kun sia edzino en Danio ekde 1878 ĝis sia morto en Kopenhago en 1909.

Lingvoscienca laboro

En 1846 Hammershaimb eldonis libron pri færøisk ortographie (Feroa ortografio). Ĉi libro tenis elstaran pozicion en la Feroa lingviko ĝis nun. Sian skribnormon li forte proksimigis al la norena origino de la lingvo. Finfine ekestis kompromiso, akceptebla por ĉiuj dialektoj Feroaj. Pluse la ortografio ne tro distancigas la lingvon de antikvaj skribaĵoj kaj de ceteraj skandinaviaj lingvoj. Tamen hodiaŭ, en la 21-a jarcento, la skribita lingvo sufiĉe foras de la prononco, pro kio malfacilas la lingvolernado por multaj infanoj en la insularo.

Verkoj

• 1852: Færøske Kvæder "Feroaj poemoj/kantoj", Kopenhago; 2-a eldono, Ferooj 1969
• 1891: Færøsk Anthologi I. Tekst samt historisk og grammatisk Indledning "Feroa antologio 1. Teksto kaj historia-gramatika enkonduko", Kopenhago; 2-a eldono, Tórshavn 1969

Literaturo

• Gerson - H. Hansen: Dansk Biografisk Lexikon, Bd. IV, Gyldendalske Boghandels Forlag, Kopenhago 1892 , Artikolo pri Hammershaimb: http://www.lysator.liu.se/runeberg/dbl/6/0550.html (danlingva)
• W.B. Lockwood: An Introduction to Modern Faroese, Føroya Skúlabókagrunnur, Tórshavn 1977 (enkonduko), 4-a eldono 2002 (anglalingva)
• Eyðun Andreassen: Faroese Ballads and the Faroese Ballad Dance. A Bibliography: http://www.setur.fo/pdf/20020909152806.pdf Arkivigite je 2004-11-05 per la retarkivo Wayback Machine (anglalingva)

Eksteraj ligiloj

• Venceslaus Ulricus Hammershaimb en la Vikimedia Komunejo (Multrimedaj datumoj)
• Kategorio Venceslaus Ulricus Hammershaimb en la Vikimedia Komunejo (Multrimedaj datumoj)

• Hammershaimb.dk (Dana paĝo, de parenco de Hammershaimb)

PeEnEo: 27792 GND: 101528841 LCCN: nr95044745 VIAF: 43145971385732330453 ISNI: 0000000083782642 SUDOC: 077585100