Vâlcea [vılĉa] estas distrikto (rumane județ) en la suda Rumanio, en Valaĥio. Laŭ la stato de 2021 en la distrikto vivis 341 861 loĝantoj sur areo de 5 765 kvadrataj kilometroj, kio rezultigas loĝdenson de 59 loĝantoj/km².
| Distrikto Vâlcea | |
|---|---|
 | |
 | |
| distrikto | |
| Ĉefurbo | Râmnicu Vâlcea |
| Regiono | Valaĥio |
| mallonge | VL |
| Telefono | +40×50... |
| Areo |
5 765 km² (20-a rango) |
| Loĝantaro | 341 861 (stato de 2021, 25-a rango) |
| Loĝdenso | 59/km² |
| La signo × en la telefona prefikso estas 2 aŭ 3, depende de la kompanio | |
Najbaroj: oriente: distrikto Argeș; sude: distrikto Olt; sud-okcidente: distrikto Dolj; okcidente: distrikto Gorj; nord-okcidente: distrikto Hunedoara; norde: distrikto Sibiu.
La distrikto havas areon de 5.765 km² kaj loĝantaron de 432.980 (en 2001), do loĝdenson de 75 (en 2002: 413.247 / 72). Ĝi situas sude de Sudaj Karpatoj, ĉe ties trarompejo de rivero Olt. Ĝia ĉefurbo estas Râmnicu Vâlcea.
Listo de la urboj en la distrikto
Aliaj komunumoj kaj vilaĝoj
- Alunu
- Amărăști
- Bărbătești
- Berislăvești
- Boișoara
- Bujoreni
- Budești
- Bunești
- Câineni
- Cernișoara
- Copăceni
- Costești
- Crețeni
- Dăești
- Dăești (Popești, Vâlcea)
- Dănicei
- Diculești
- Drăgoești
- Fârtățești
- Făurești
- Frâncești
- Galicea
- Ghioroiu
- Glăvile
- Golești
- Grădiștea
- Gușoeni
- Ionești
- Lăcusteni
- Lădești
- Laloșu
- Lăpușata
- Livezi
- Lungești
- Măciuca
- Mădulari
- Malaia
- Măldărești
- Mateești
- Mihăești
- Milcoiu
- Mitrofani
- Muereasca
- Nicolae Bălcescu
- Olanu
- Orlești
- Oteșani
- Păușești
- Păușești-Măglași
- Perișani
- Pesceana
- Pietrari
- Popești
- Prundeni
- Racovița
- Roești
- Roșiile
- Runcu
- Sălătrucel
- Scundu
- Sinești
- Șirineasa
- Slătioara
- Stănești
- Ștefănești
- Stoenești
- Stoilești
- Stroești
- Șușani
- Sutești
- Tetoiu
- Titești
- Tomșani
- Vaideeni
- Valea Mare
- Valea Mare (Băbeni)
- Vlădești
- Voicești
- Voineasa
- Zătreni
Geografio
La pejzaĝo de Vâlcea estas regata norde de la Sudaj Karpatoj, aliflanke de kiuj situas Transilvanio (la distrikto Sibiu), kaj ĝenerale de la rivero Olt, kiu trairas ĝin nord-sude kaj en la suda parto konsistigas la orientan limon, al la distrikto Olt. La rivero Olteț trafluas la sud-okcidentan parton de la distrikto kaj enfluas en Olt-on, sed nur en la distrikto Olt.
La distrikto limas al jenaj aliaj rumaniaj distriktoj (de nordo, horloĝsence):
- Sibiu (norde)
- Argeș (oriente)
- Olt (oriente, sude)
- Dolj (sud-okcidente)
- Gorj (okcidente)
- Hunedoara (okcidente, en la nordo)
- Alba (nord-okcidente, nur ĉ. 4 km)
En Olt-on enfluas flankaj riveroj, kiuj kolektas la akvon de la distrikto:
- De oriento
- De okcidento
Olt formas proksimume 30 baraĵlagojn, uzatajn por gajni elektran energion.
Transporto
La plej grava natura transportvojo de la distrikto estas la valo de la rivero Olt, la sola rivero trairanta la Sudajn Karpatojn. Ĝi ligas la regionon norden al Transilvanio kaj suden direkte al Danubo. En la valo ekzistas kaj fervojo kaj gravaj ŝoseoj.
Ŝosea transporto
La plej grava ŝosea nodo de la distrikto estas la ĉefurbo Râmnicu Vâlcea. Tie trapasas la eŭropa vojo E81, samtempe la nacia vojo DN7, inter Bukareŝto kaj Nădlac ĉe la limo al Hungario. Norde de Râmnicu Vâlcea ĝi sekvas la valon de Olt al la distrikto Sibiu, sud-orienten ĝi iras tra la montaro al Pitești en la distrikto Argeș.
Ankaŭ sude de Râmnicu Vâlcea ekzistas nacia vojo laŭ Olt, DN64 al Drăgășani kaj Caracal.
DN67 iras de Râmnicu Vâlcea okcidenten al Horezu kaj Târgu Jiu, la ĉefurbo de la distrikto Gorj. De Râmnicu Vâlcea orienten iras DN73C al Curtea de Argeș.
Du pliaj ŝoseoj ne tuŝas la ĉefurbon: DN65C iras de Horezu suden al Craiova, DN67B de Drăgășani okcidenten al Târgu Cărbunești.
Fervoja transporto
La Fervojlinio Podu Olt – Piatra Olt estas la plej tradicia linio en la distrikto. Ĝi estas duaranga fervojlinio kun la numero 201 kaj ligas la linion inter Sibiu kaj Braŝovo al Piatra-Olt (stacia nomo: Piatra Olt sen streketo). Tie estas konekto al la linio 901 al Bukareŝto.
De la 1980-aj jaroj ekzistas dua fervojlinio en la distrikto Vâlcea, la Fervojlinio Băbeni – Alunu. Ĝi havas la numeron 205 kaj ligas la urbon Băbeni okcidenten kun la vilaĝo Alunu. Estis planite plukonstrui ĝin al Seciurile en la distrikto Gorj kaj tie atingi la linion al Târgu Cărbunești, sed la planoj estis nuligitaj post la Rumana Revolucio de 1989.
En la 1990-aj jaroj dum mallonga tempo funkciis la Fervojlinio Vâlcele – Bujoreni Vâlcea, kiu ligis la valon de Olt al la valo de Argeș (rivero) kaj forte mallongigis la fervojan distancon al Bukareŝto. Sed mankis la rimedoj por vere finkonstrui ĝin, kvankam jam povis trafiki trajnoj. En 1998 la linio estis oficiale fermita, kvankam pro la granda ebla utilo restas planoj iam refunkciigi ĝin.
Aviado
En Vâlcea ne ekzistas flughaveno, kvankam oni foje diskutas pri konstruado de tia.[1] La plej proksimaj flughavenoj estas en Craiova kaj en Sibiu.
Notoj
Eksteraj ligiloj
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
