Vámosmikola

Vámosmikola [vAmoŝmikola] estas vilaĝo en Hungario en regiono Meza Hungario, en departemento Pest, en Distrikto Szob. Vámos signifas dogana.

Katolika preĝejo de Vámosmikola

Bazaj informoj

• Areo: 25 km²
• Loĝantaro: 1680
• Poŝtkodo: 2635
• Telefonprefikso: 27

Situo

Vámosmikola situas inter montaro Börzsöny kaj rivero Ipel, laŭ traira flankovojo, for de ĉefvojo kaj fervojo. Proksime estas urbo Šahy en la alia flanko de rivero.

Historio

Apud la komunumo oni trovis tombejojn de skitoj. La unua skriba mencio estis en 1075. Ĝi ricevis la rangon opidumo en 1419. Ĝis 1920 la vilaĝo estis distriktejo de Hont. En 1920 la komunumo trovis sin ĉe la nova landolimo kaj perdis kontaktojn kun la natura centro Ipolyság. Dum la socialisma erao formiĝis kolĥozo pri Ruĝa Stelo.

Vidindaĵoj

• baroka preĝejo Sankta Maria Magdalena el 1752
• kastelo de Eszterházy-Huszár (esterhAzi-husAr), kiu nun estas lernejo

Famuloj

En Vámosmikola naskiĝis:

• vicepiskopo Nándor Cselka
• verkisto János Háy (1960), en kies verkaro ĝi ofte aperas kiel fono, ekz. en la novelaro A bogyósgyümölcskertész fia (La filo de la berfrukto-ĝardenisto, 2003).
• Erzsébet Szabó (1937-1991), patrino de István Ertl, kiu pasigis ĉiujn somerojn de sia infanaĝo ĉi-vilaĝe. Lia boonklo Lajos Rák (1930-2001) estis traktoristo en Ruĝa Stelo kaj loka futbalstelulo en la 50-aj jaroj.

Komunumoj pri vám (= dogano) en Hungara reĝlando

Bodzavám	Felsővámos	Sajóvámos	Somogyvámos	Vám	Vámfalu
Vámos	Vámosatya	Vámoscsalád	Vámosderecske	Vámosfalva	Vámosgálfalva
Vámosgyörk	Vámosladány	Vámosláz	Vámosmárga	Vámosmikola	Vámosoroszi
Vámospércs	Vámosszabadi	Vámosudvarhely	Vámosújfalu

• Kategorio Vámosmikola en la Vikimedia Komunejo (Multrimedaj datumoj)