Utena estas urbo en la nordoriento de Litovio. Ekde 1995 ĝis 2010 ĝi estis la administra centro de samnoma distrikto. Dum la jaro 2005, la urba komunumo havis 49 000 loĝantojn, el tio la urbo mem 33 000.
Historio
Utena estas unu el la plej malnovaj urboj de Litovio. Laŭ legendo fondis ĝin princo Utenis. La unua mencio devenas de 1261. La unuan preĝejon oni konstruis en 1416. En 1655 la urbon konkeris rusa armeo. En 1912 ĝi damaĝis de Napoleona armeo. Apud la urbo okazis bataloj de novembra ribelo kaj de januara ribelo. Situante sur komerca itinero ĝi rapide disvolviĝis. En 1879 incendio detruis pli ol 3/4 de la urbo.
Post la dua mondmilito najbare de la urbo aktivis partizanoj batalantaj kontraŭ soveta okupado de Litovio. Sur lokaj tombejoj troviĝas iliaj tomboj.
Ekonomio kaj trafiko
Utena situas proksime al la landlimoj de Litovio al Latvio kaj Belorusio ĉe la aŭtovojo Varsovio (Pollando ) - Kaunas - Daugavpils (Latvio) – Sankt-Peterburgo (Rusio). La urbo havas lande signifan bierfarejon kun la nomo Utenos, sed krome enlande precipe konatas pro fabriko de bonkvalitaj virinaj subvestaĵoj – Utenos trikotažas.
Partneraj urboj
Rilatoj al Esperanto
De la 6-a ĝis 14-a de julio 2013 en la urbo okazis la 49-aj Baltiaj Esperanto-Tagoj. Pri ĝi detale raportas artikolo en la retejo La Balta Ondo, la reta eldono de La Ondo de Esperanto.
Bibliografio
- Utena ir pasaulio miestai, Utena and the world's cities, Punsko "Ausros" leidykla 2017, p. 295, ISBN 978-83-65342-46-1 (pri Beit Sahour, Chelmas, Glubokoje, Kovelis, Lidsiopingas, Pontinija, Preiliai, Rezekne, Tresbon kun fotoj)
Eksteraj ligiloj
- oficiala paĝo de la urbo (litove) Arkivigite je 2017-03-24 per la retarkivo Wayback Machine
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
