brita ĉefministro From Wikipedia, the free encyclopedia
Theresa Mary MAY (denaske Theresa Mary BRASIER; naskiĝis la 1-an de oktobro 1956) estas brita politikisto, iama Brita Ministro de Enlandaj Aferoj kaj iama ĉefministro de la Unuiĝinta Reĝlando. Ŝi estis la parlamentano por Maidenhead ekde 1997 kaj fariĝis gvidanto de la Konservativa Partio la 11-an de julio 2016 kaj ĉefministro du tagojn poste la 13-an de julio.
May estas longtempa politika aliancano kaj amiko de David Cameron kaj subtenis lian projekton de modernigo en la Konservisma Partio. Ŝi situas poke dekstre de li politike.[3] Kiel ministro de la Home Office (enlandaj aferoj) ŝi malsukcese provis malpliigi la enmigradon, ĉar la pli bona ekonomio de Britio kaŭzis pli grandan enmigradon el la suda Eŭropa Unio.
May subtenis membrecon de la Eŭropa Unio dum la referendumo, sed ne kampanjis tre videble. Ŝi estis la nura kandidato por la rolo de partigvidanto, kiu ne forlasis la balotadon, kaj do iĝis ĉefministro post Cameron rezignis.
Je la 14-a de oktobro 2016 la Guardian skribis ke May diris al la estro de la NHS ke la NHS ne ricevos pli multan monon.[4]
En januaro 2017 ŝi anoncis ke la registaro intencas forlasi la unusolan merkaton (angle: hard Brexit) por malpliigi la enmigradon.
En julio 2019 ŝi demisiis post malsukceso efektivigi la "Brexit" (eliro de Britio el la Eŭropa Unio). Posteulo fariĝis Boris Johnson.