From Wikipedia, the free encyclopedia
La spika amelanĉo (Amelanchier spicata), estas plantspecio ene de la familio de la Rozacoj. Ĝi estas disvastigita en Nordameriko.
 | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
 ordinara amelanĉo (Amelanchier ovalis) en Supra Aŭstrio | ||||||||||||||||||||
| Biologia klasado | ||||||||||||||||||||
| ||||||||||||||||||||
Aliaj Vikimediaj projektoj | ||||||||||||||||||||
La spika amelanĉo kreskas kiel rigida kaj balailforma arbusto kaj atingas alton de 2 ĝis 5 metroj. Ĝiaj multnombraj, maldikaj trunketoj kreskas subgrunde kvazaŭ stolonoj ĝis ili aperas super la grundo. Tre maljunaj trunkoj ricevas altecon de pli ol 7 metrojn. Ili estas dikaj kiel homa brako. La arboŝelo estas bruna ĝis grize nigra. La alterne starantaj folioj havas folitigetojn. La planto havas 1 ĝis 1,5 mm grandajn dornojn. En aŭtuno la folio estas flave brunaj.
La planto floras de aprilo ĝis majo. La 3,5 ĝis 6,5, malofte ĝis 7 centimetrojn longaj floraroj havas po 8 ĝis 20 florojn, kiuj odoras kiel fiŝo. La duseksaj floroj estas radisimetriaj kaj kvinnombraj. La 5 blankaj petaloj longas 6 ĝis 10 mm. La ovario estas je la pinto harhava.
La fruktoj havas grandecon de 8 ĝis 10 mm kaj maturiĝinte ili estas malpure ruĝaj ĝis blue nigraj.
La kromosomnombro estas 2n = 68.
La natura disvastigejo de la spika amelanĉo etendiĝas de la orienta Kanado en Nov-Brunsviko, Novlando, Ontario, Insulo de Princo Eduardo, Kebekio ĝis la orienta kaj mezaj usonaj ŝtatoj Konektikuto, Majno, Masaĉuseco, Miĉigano, Nov-Hampŝiro, Nov-Ĵerzejo, Novjorkio, Ohio, Pensilvanio, Rod-insulo, Vermonto, Okcidenta Virginio, Ilinojso, Iovao, Minesoto, Norda Dakoto, Viskonsino, Alabamo, Delavaro, Georgio, Marilando, Norda Karolino, Suda Karolino kaj Virginio. Tie la planto kreskas en maldensaj arbaroj kaj arbustejoj. La planto preferas malkompaktajn gravelajn kaj sablajn grundojn.
En Eŭropo la spika amelanĉo estis uzata ekde la komenco de la 19a jarcento kiel arbusto por ĝardenoj kaj parkoj.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
