Somerset House

Domo Somerset (angle Somerset House) estas granda konstruaĵo situanta sur la suda flanko de la Strand en centra Londono, sur la norda bordo de la Rivero Tamizo, kontraŭe al la Nacia Teatro. La centra parto de la konstruaĵo konstruita en novklasika stilo estis konstruita inter 1776-1796. La nordaj kaj sudaj aloj de la konstruaĵo estis konstruitaj en viktorina stilo ^[1][2]. La konstruaĵo estas nomita laŭ konstruaĵo de tiu nomo kiu staris sur la sama loko antaŭe, du jarcentojn pli frue.

Somerset House
Somerset House
konstruaĵo vidindaĵo
Bazaj datoj
Konstrustilo	georga arkitekturo • novklasika arkitekturo vd
Arkitekto	William Chambers vd
Lando	Unuiĝinta Reĝlando vd
Situo	Civito de Vestminstro
Adreso	Strand, London WC2R 1LA
Situanta sur	Strand
Situo
Geografia situo	51° 30′ 40″ N, 0° 7′ 4″ U (mapo)51.511111111111-0.11777777777777
Somerset House (Centra Londono) DEC Situo de Somerset House
Somerset House
Parto de	Somerset House and King's College Old Building (en) vd
Retejo	http://www.somersethouse.org.uk/
v • d • r

La centra korto de Somerset House en Londono. La fontanoj estis instalitaj en la 1990-aj jaroj

Malnova Somerset House. Pentraĵo de Jan Kip el 1722. La malsamaj aloj de la nesimetrie konstruita strukturo estas konstruitaj en malsamaj stiloj

Somerset House en 1817, la Rivero- Temizo pasis proksime de la Palaca Teraso.

La sketejo en la interna korto ĉe Kristnasko 2004

Tiu estas unu el la grandaj historiaj konstruaĵoj de Britio. Ĝi estis konstruita en la 18-a jarcento fare de Siro William Chambers, sur Tudor- epoka palaco, ĝi origine gastigis registarajn oficejojn, klerajn societojn kaj la Ŝiparmean Oficejon ^[3].

En 1604, la Traktato de Londono estis subskribita en la origina Tudor- palaco, finante la Anglo-Hispanan Militon de 1585-1604. La kondiĉoj de la traktato estis favoraj al la Hispana Imperio, kontraŭ la devontigo ne provi restarigi Katolikismon en la Regno de Anglio.

Lastatempe, danke al investo de 48 milionoj £, Somerset House fariĝis hejmo de kelkaj muzeoj, restoracioj kaj kafejoj. Du el la plej konataj muzeoj estas la Courtauld Instituto de Arto kaj la Gilbert Collection of Decorative Arts. Ĝi ankaŭ estas la ĉefsidejo de la Reĝa Societo de Literaturo. La orienta alo de la konstruaĵo estas parto de King's College London.