La Socialdemokratia Partio de Litovio aŭ nacilingve Lietuvos Socialdemokratų Partija (LSDP) estas politika partio de Litovio. La partio en sia nuna formo ekestis dum la jaro 2001 per la kunligo de la Lietuvos demokratinė darbo partija (LDDP, 'Demokratia Labora Partio de Litovio'), la rekta posteulo de la litova branĉo de la sovetunia komunisma partio KPSU, kaj la antaŭe esence pli malgranda Lietuvos Socialdemokratų Partija, kiu ekzistis jam ekde la jaro 1896. Post la konkero de la inter la mondmilitoj sendependa respubliko Litovio fare de Sovetunio, la LSDP pluekzistis inter litovaj elmigrintoj en okcidenta Eŭropa kaj norda Ameriko. La politika influo post la resendependiĝo de Litovio de la jaroj 1990 kaj 1991 restis malgranda: dum la balotoj pri la nacia parlamento Seimas de la jaro 1992 la partio LSDP nur ricevis 8 seĝojn.
| Socialdemokratia Partio de Litovio | ||
|---|---|---|
 | ||
| partio socialdemokratia partio  | ||
| Komenco | 1-a de majo 1896 vd | |
| Lando(j) | Litovio vd | |
| Sidejo | Vilno | |
| Ideologio | ||
| Retejo | Oficiala retejo | |
Dum la parlamentaj balotoj de la 10-a de oktobro 2004, la Socialdemokratia Partio de Litovio gajnis 20 el la 141 seĝoj de la nacia parlamento. Ekde la 4-a de julio 2006, la partio gvidas la nunan registaran koalicion de 59 el la 141 parlamentanoj. La partio LSDP kadre de tiu registara koalicio nomumis la ĉefministron Gediminas Kirkilas kaj aldone ses ministrojn. Dum la komunuma baloto de la jaro 2007 la partio ekhavis 302 seĝojn (19,5% de ĉiuj voĉdonoj) kaj iĝis la plej forta partio de Litovio.[1]
Partia prezidanto estas Algirdas Brazauskas.
Rilate al internacia kunlaboro, la partio estas membro de la Socialista Internacio kaj de la Partio de Eŭropaj Socialdemokratoj.
Elstaraj membroj
Naciaj politikistoj
- Algirdas Brazauskas (* 1932), prezidento de Litovio de la 25-a de februaro 1993 ĝis la 25-a de februaro 1998, ĉefministro de la 3-a de julio 2001 ĝis la 31-a de majo 2006, prezidanto de la litova parlamento Seimas
- Gediminas Kirkilas (* 1951), ĉefministro de julio 2006 ĝis novembro 2008, ministro pri defendo
- Arūnas Kundrotas (* 1963), ministro pri medio
- Zigmantas Balčytis (* 1953), ĉefministro, ministro pri financoj
- Roma Žakaitienė (* 1956), ministrino pri eduko kaj scienco
- Česlovas Juršėnas (* 1938), prezidanto de la litova parlamento Seimas, ĵurnalisto.
Membroj de la Eŭropa Parlamento
- Justas Vincas Paleckis, diplomato
- Aloyzas Sakalas.
Eksteraj ligiloj
Referencoj
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
