Sitter
From Wikipedia, the free encyclopedia
Sitter estas rivero en orienta Svislando. Ĝi havas longecon de 49 km. La akvokolekta regiono de Sitter etendiĝas sur teritorio de proksimume 340 km²
| Sitter | |
|---|---|
 | |
| rivero | |
| Bazaj informoj | |
| Longeco | 49 km |
| Akvokolekta areo | 340 km² |
| Fluo | |
| - Alteco super marnivelo | 2 502 m |
| Enfluejo | Turo |
| - Alteco | 470 m |
| Geografio | |
| Alfluantoj | Rottbach, Wattbach, Urnäsch |
 | |
| Rivero en Eŭropo | |
Sitter fontas en la montarmasivo Alpstein en Kantono Apencelo Interna. Ĝiaj tri fontriveroj Wissbach, Schwendibach kaj Brühlbach kunfluas en Weissbad kaj ek de tie nomiĝas Sitter. Wissbach fontas okcidente de la monto Kronberg, Schwendibach havas sian originon nordokcidente de Säntis kaj Brühlbach naskiĝas oriente de Hoher Kasten. La koordinatoj de la fonto (kunfluejo de la tri fontriveroj) estas 47° 18′ 38″ N 9° 26′ 8″ O (mapo).
Post la kuniĝo de la trifontriveroj en Weissbad, Sitter fluas unue norden tra Apencelo. La rivero tiam en impresa ravino fluas tra la komunumo Stein en Kantono Apencelo Ekstera kaj tiam atingas la urbon Sankt-Galo apud Bruggen. Post Sankt-Galo la rivero fluas ĉiam norden tra Gaiserwald kaj Wittenbach. Post Wittenbach la rivero turniĝas nordokcidenten kaj nun fluas tra Waldkirch. Ĝi tiam formas la limon inter la komunumoj Häggenschwil kaj Hauptwil-Gottshaus por tiam definitive turniĝi okcidenten. Ĝi fluas nun tra Hauptwil-Gottshaus kaj tiam tra Zihlschlacht-Sitterdorf, al kiu komunumo ĝi donis sian nomon. Finfine ĝi atingas la komunumon Bischofszell.
En Bischofszell Sitter alfluas al la rivero Turo, kiu siavice alfluas al Rejno.
De la origine dek-unu elektraj centraloj laŭlonge de la rivero hodiaŭ funkcias ankoraŭ sep. 87% de la energio de la rivero Sitter estas produktita de la elektrejo Kubel de la entrepreno St. Gallisch-Appenzellische Kraftwerke AG (SAK). La lago Gübsensee apud la urbo Sankt-Galo funkcias kiel akvorezervujo.
- Vidu ankaŭ en la Vikimedia Komunejo la kategorion Sitter – (Kolekto de bildoj kaj plurmediaj dosieroj)
Fervojponto kaj elektrejo apud Sitterdorf
_331.JPG)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
