Sidonie Dlouhá

Sidonie Dlouhá (mortis la 9-an de aŭgusto 1940) estis ĉeĥa pionira esperantistino.

Sidonie Dlouhá
Persona informo
Morto	9-an de aŭgusto 1940 (1940-08-09)
Lingvoj	Esperanto
Ŝtataneco	Ĉeĥoslovakio
Okupo
Okupo	esperantisto
v • d • r

Pri ŝia vivo konserviĝis nur malmultaj informoj. La mortanonco sciigas, ke ŝi estis prezidantino de la rondeto de esperantistinoj en Prago kaj membro de Prepara Komitato de la 13-a Universala Kongreso okazinta en Prago en 1921. Ĉe la Rondeto de Esperantistinoj ŝi laboris komence kiel sekretariino sub prezidanteco de Julie Šupichová.

En Esperantský zpravodaj (Esperanto-informilo) 1923 ŝi gvidis rubrikon Anguleto por progresintoj.

Dum vintra sezono 1935/1936 kunvenadis ĉiulunde inter 19-21 horoj en privata loĝejo de f-ino Sidonie Dlouhá 15 lokaj esperantistoj por aŭskulti prelegojn de Julie Šupichová pri la tutmonda literaturo kaj pri Esperanto-novaĵoj.

Artikoloj

• La stelo de Smetana (La Progreso 9/1921)
• Co čísti? (Kion legi? - Esperantský zpravodaj 3/1922)

Tradukoj

• Karel Václav Rais: Ofero de malriĉa patrino (La Progreso 10/1922)
• Rudolf Medek: Pilgrimado de infanoj en Siberion (La Progreso 1926)
• Prezidento Masaryk al la infanoj (La Progreso 1928)
• Alois Jirásek: Malnovurba astronomia horloĝo (En: Julie Šupichová: Legu kaj parolu)

Vidu ankaŭ

• Listo de ĉeĥaj esperantistoj