episkopo de Raveno, sanktulo From Wikipedia, the free encyclopedia
Sankta Severo (latine Severus Ravennas; naskiĝis en Raveno, mortis la 1-an de februaro 344/346 samloke) estis episkopo en Raveno kaj sanktulo. Li estas honorata ĉefe en Germanujo. Li sanktuliĝis malmulte postmorte.
| Sankta | |||||
| Severo el Raveno | |||||
|---|---|---|---|---|---|
| episkopo, sanktulo | |||||
 | |||||
| Persona informo | |||||
| Naskonomo | latine Severus | ||||
| Naskiĝo | ĉ. 3-a jarcento en Raveno | ||||
| Morto | 1-a de februaro 344/346 en Raveno | ||||
| Religio | katolika eklezio vd | ||||
| Profesio | |||||
| Okupo | teksisto  vd | ||||
| |||||
| episkopo de Raveno | |||||
| Dum | 342- | ||||
| Sanktulo | |||||
| Honorata en | katolika eklezio | ||||
| Festotago | 1-a de februaro | ||||
| Atributoj | kolombo, fulistaj instrumentoj | ||||
| Patroneco | teksistoj, ŝpinistoj, policistoj, tuk- kaj ŝtrumpfaristoj, gant- kaj ĉapelfaristoj | ||||
| vd | Fonto: Vikidatumoj | ||||
Laŭlegende estis elektota je pentekosto 342 en Raveno nova episkopo, posteulo de Agapito, fare de la tuta komunumo. Kiam la vere malcentra lanaĵteksisto Severo venis por voĉdoni kolombo enflugis, rondflugis ade supre de li kaj sidigis sin trifoje sur liajn ŝultrojn. Tion la fideluloj konsideris signo dia kaj elektis Severon episkopo. Post la elekto la edzino kaj la filino iĝis monaĥinoj. Historie dokumentita estas lia partopreno de la Koncilio de Sofio (342/343; fakte temis nur pri sinodo). Tie ŝajnis al multoj ke liaj pribibliaj argumentoj venis el inspiro, ne el saĝeco akirita per studoj. Episkopuje li estis bona paŝtisto. Mira estas la rakonto pri lia morto; kiam li antaŭsentis la morton li malfermigis la tombojn de edzino kaj filino kaj, post eŭkaristi-celebro, li metis sin inter la du sarkofagojn kiuj mirinde faris spacon inter si por la nove alveninto.
Severo estis entombigita en 344 en Classe, la nuntempe ne plu ekzistanta haveno de Raveno. Laŭ ordono de episkopo Petro oni starigis tie en 568 belan preĝejon. Liajn ostojn transportigis la majenca ĉefepiskopo Otgar en 836 al Majenco al la Preĝejo Sankta Albano, poste al Erfurto. La ostoj estis venigitaj jam en 824 de Raveno al Pavio. Nek en Raveno la memoro je li, malgraŭ fortransporto de la kadavrorestaĵoj, iam ĉesis.
Lia memortago estas la 1-a de februaro. Li taksatas patrono de la teksistoj kaj ŝpinistoj, de la policistoj, la tuk- kaj ŝtrumpfaristoj, la gant- kaj ĉapelfaristoj.
La ŝtona ĉerko de la sanktulo kaj de ties edzino Vicentia kaj filino Innocentia troviĝas en la belega Preĝejo Sankta Severo en Erfurto. Tie liaj ostoj estis reentombigitaj verŝajne en la okcidenta parto de antaŭula ejo por honorado. Novaranĝo necesis post novfaro de la kirko. La monumento ja daŭre videblis centrekirke, proksime de la okcidenta ĥorejo. Post granda damaĝo de tiu ĥorejo dum fajrego de 1472 la sarkofago estis dismetita. La flankajn platojn oni starigis aliloke kaj la originala supra slabo post 1472 estis uzita kiel supraĵo por la Severo-altaro en la suda transepto. Nur en 1948 ĉiuj partoj estis rekunmetitaj. En 1982 alvenis muldaĵo de la supra slabo.
Temis pri unu el la plej gravoj eroj de la meblaro interna. La kvar reliefslaboj estiĝis inter la jaroj 1360 kaj 1370 ĉirkaŭ. Fonto el la jaro 1363 mencias altaron je honoro de Johano Baptisto, Severo, Hieronimo kaj la Tri Reĝoj. Sur la altreliefoj videblas scenoj el la vivo de Severo kaj la adorado de la Tri Reĝoj laŭ modelo de la nurenberga Laŭrenco-kirko de 1360. Supozo alia estis ke la partoj iam estis separataj aŭ en alia kunteksto kune (ekz. ĉe ambono, jubeo). Ofte Severo reprezentatas kun kolombo kaj fulistaj instrumentoj.
Jen lokoj, kie troviĝas Severo-kirkoj: Blankenhain, Boppard, Erfurto, Fulda, Kleinrettbach, Otterndorf, Gemünden (Westerwald), Münstermaifeld. En la baptejo de la baziliko Sankta Vitalis en Raveno estas mozaiko kun bildo de Sankta Severo kun kolombo surŝultre.
Vidu ankaŭ: Kategorio:Preĝejoj sub patroneco de Sankta Severo el Raveno
En tiu ĉi artikolo estas uzita traduko de teksto el la artikolo Severus von Ravenna en la germana Vikipedio.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
