Selando

Selando (angle Sealand — mara lando, la oficiala nomo: Princlando de Selando, Principality of Sealand) estas memproklamita ŝtato (mikronacio) lokita sur forlasita instalaĵo en la Norda Maro kaj proklamita en 1967 fare de brita emerita majoro Paddy Roy Bates. La areo de la enmara instalaĵo estas ĉ. 550  m². Referite en kelkaj publikaĵoj kiel "neagnoskita ŝtato"^[1].

Tiu ĉi artikolo temas pri la malgranda teritorio nomata Selando krome en Britio. Krome ekzistas provinco Zelando en Nederlando, kaj laŭ esperanta lingvouzo samnoma insulo Zelando (dane Sjælland) en Danio.

Selando
Flago	Blazono
Estas mikronacio, artefarita insulo, offshore construction [+]
Akvejo	Norda maro
Koordinatoj	51° 54′ N, 1° 29′ O (mapo)51.8944444444441.4825
Akvokolektejo	0 km² (0 ha) [+]
Areo	0 km² (0 ha) [+]
Loĝantaro	27 [+] (2002)
Horzono	UTC±00:00 [+]
Selando (Britio) DEC
Selando
Vikimedia Komunejo:  Sealand [+]
En TTT: Oficiala retejo [+]
v • d • r

Historio

Mapo de Selando kaj la Unuiĝinta Reĝlando, kun montro de la teritoriaj akvoj je 3 kaj 12 maraj mejloj

Roughs Tower, oficiale nomita HM Fort Roughs, estas instalaĵo konstruita dum la Dua Mondmilito, por gardi la havenon de Harwich. Ĝi situas en 51°53′40″N, 1°28′57″E, je ses mejloj for de Suffolk kaj ok de Essex, Anglio.

La instalaĵo estis okupita de la familio de Paddy Roy Bates el 1967, kiam ili alvenis al Roughs Tower/HM Fort Roughs kiel radiopiratoj. Li deklaris sin kiel princo de Selando.

Princlando de Selando
Principality of Sealand

Nacia devizo: E mare libertas (latino: El la maro, libereco)
Nacia Himno	E Mare Libertas
Oficiala lingvo	angla
Areo	0.00056 km²
Horzono	UTC
Ŝtatformo	konstitucia monarkio
Regnestroj	Roy Bates kaj Joan Bates (princa paro)
Ĉefministro	Michael Bates (regento)
Establiĝo  – deklarita  – agnoskita	2-a de septembro 1967  neniam
Valuto	selanda dolaro, ligita kun usona dolaro

Kvankam Sealand ne estas agnoskita de iu ajn lando en la mondo, ĝi havas konstitucion  kaj la "princlando" situanta en teritoriaj akvoj emisias siajn proprajn poŝtmarkojn, monerojn, pasportojn kaj atestojn pri nobeleco.

Ĝi estas konsiderata parto de la Unuiĝita Reĝlando, kaj specife propraĵo de la Ministerio de Defendo.

Pasportoj

En 1997, ampleksa internacia sindikato venis al la atento de Interpol , kiu establis la komercon de falsaj selandaj pasportoj. Pli ol 150 000 falsaj pasportoj, inkluzive de diplomatiaj, stirpermesiloj, universitataj diplomoj kaj aliaj falsaj dokumentoj estis venditaj al civitanoj de Honkongo kaj Orienta Eŭropo. En pluraj eŭropaj landoj, provoj estis faritaj por malfermi bankkontojn kaj akiri armilojn uzante pasportojn de Selando. La ĉefsidejo de la atakantoj estis en Germanio, la amplekso de agadoj kovris Hispanion, Brition, Francion, Slovenio, Rumanion kaj Rusion. Post tio, la Selanda registaro ĉesis emisii pasportojn, anstataŭigante ilin per identeckartoj (ID-kartoj). En 2017, la emisio de pasportoj estis rekomencita.

• Kategorio Selando en la Vikimedia Komunejo (Multrimedaj datumoj)