komunumo de Svislando From Wikipedia, the free encyclopedia
Safenwil estas komunumo en la distrikto Zofingo de Kantono Argovio, Svislando. Ĝi havis 3279 loĝantojn je la 31-a de decembro 2008.
![]() |
Por samtitola artikolo vidu la paĝon Safenwil (stacidomo). |
Safenwil | |
---|---|
![]() | |
komunumo en Svislando | |
Kantono | Argovio |
Distrikto | Zofingo |
Koordinatoj | 47° 20′ 0″ N 7° 59′ 0″ O (mapo) |
Nombro de loĝantoj | 3279 |
Areo | 5,99 km² |
Alteco | 483 m super marnivelo |
Poŝtkodo | 5745 |
Komunumkodo | 4283 |
![]() | |
Safenwil situas en kaldrono ĉe la transirejo de la valoj de la riveroj Wigger kaj Uerke. Tra la komunumon pasas la svisa aŭtovojo A1 kaj la grava fervojlinio de Zuriko al Berno, kiuj distranĉas la komunuman teritorion kaj la setlejojn.
La teritorio de la komunumo etendiĝas sur areo de 5,99 km², de kiuj 2,75 km² estas kovritaj de arbaro kaj 1,61 km² de konstruaĵoj. La plej alta punkto de la komunumo situas sur alteco de 644 m s.m. sur la montopinto Hochwacht, kaj la plej malalta punkto sur alteco de 450 m s.m.
La komunumo Safenwil limas en nordo al la soloturnaj komunumoj Walterswil kaj Gretzenbach, en oriento al Kölliken, en sudoriento al Uerkheim, en sudo al la distriktĉefurbo Zofingo, kaj en okcidento al Oftringen.
La komunumo Safenwil disponas pri du stacidomoj (Safenwil kaj Walterswil-Striegel) ĉe la trajnlinio de Svisaj Federaciaj Fervojoj de Lencburgo al Zofingo, per kiuj ĝi estas konektita bone al la publika trafikreto.
Safenwil disponas pri propra alveturejo al la svisa aŭtovojo A1 kaj tra la komunumo pasas la kantona ĉefvojo n-ro 1 de Zuriko al Berno.
La unua dokumenta mencio de Safenwil datiĝas el la jaro 893 kiel Sabenewilare.
En mezepoko la jurisdikcio pri Safenwil apartenis al la Grafoj de Lencburgo kaj ek de 1173 al la Grafoj de Kiburgo kaj post ties formorto al la Habsburgoj. En la jaro 1415 la Svisa Ĵurkomunumo konkeris Argovion kaj Safenwil falis sub berna servuteco. En la jaro 1458 la urbo Soloturno akiris la malaltan jurisdikcion pri Safenwil. Berno nun decidis unuigi la tutan povon pri la regiono en unu mano kaj akiris ĉiujn rajtojn en la jaro 1460. Safenwil fariĝis nun propra subvoktejo de la berna voktejo Lencburgo. Kiam en la jaro 1798 okaze de la Helveta Revolucio francaj trupoj liberigis Argovion, Safenwil fariĝis parto de la distrikto Zofingo en la nove kreita Kantono Argovio.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.