Wigger

Wigger estas rivero en la kantonoj Argovio kaj Lucerno. Ĝi havas longecon de 41 km.

Wigger
La rivero Wigger inter Zofingo kaj Strengelbach
rivero
Bazaj informoj
Longeco	41 km
Akvokolekta areo	240 km²
Averaĝa trafluo	(Zofingo) 4,01 m³/s
Fluo
- Alteco super marnivelo	1 300 m
Enfluejo	Aro
- Alteco	395 m
Geografio
Alfluantoj	Seewag, Wanger-Rot, Ron, Hürnbach kaj Luthern
Rivero en Eŭropo
v • d • r

Fonto

La fonto situas norde de la monto Napf ĉe la koordinatoj 47° 0′ 28″ N 7° 56′ 41″ O (mapo).

Fluo

Post ĝia fonto norde de la antaŭalpa monto Napf sur la teritorio de la komunumo Hergiswil la rivero unue nomiĝas Enziwigger. Ĝi rapide perdas altecon, trafluas la vilaĝokernon de Hergiswil kaj poste en Willisau unuiĝas kun ĝia alia plimalgranda fontrivero Buechwigger, kaj ek de tie nomiĝas Wigger. Post Willisau Wigger formas la limon inter Ettiswil kaj Alberswil, tiam ĝi trafluas la komunumojn Schötz kaj Egolzwil. Sekvas Nebikon, kie de sudoriento al ĝi alfluas ĝia ĉefa alfluanton Luthern, kiu laŭ longece ĝis tie fakte estas pli longa ol Wigger mem. La rivero fluas nun post la unuiĝo kun Luthern tra Altishofen, Dagmersellen kaj Reiden, post kiu komunumo ĝi forlasas la Kantonon Lucerno, atingante Kantonon Argovion. Ĝi fluas nun tra Brittnau, kaj tiam ĝi formas la limon inter Strengelbach kaj Zofingo, la plej granda urbo laŭlonge de ĝia fluo. Ĝi formas nun dum 2 kilometroj la limon inter Oftringo en oriento kaj Rothrist en okcidento, kaj fine inter Arburgo kaj Rothrist.

Oroserĉado

Ĝis en la dua duono de la 19-a jarcento en la fontregiono de Wigger estis praktikata orlavado. Tiu aktiveco fine ĉesis, ĉar la laboro ekonomie ne plu indis.

Alfluo

Wigger alfluas inter Rothrist kaj Arburgo al la rivero Aro.

Eksteraj ligiloj

• Kategorio Wigger en la Vikimedia Komunejo (Multrimedaj datumoj)

• Hidrologiaj datumoj pri Wigger ĉe Zofingo Arkivigite je 2010-04-30 per la retarkivo Wayback Machine