Place d'Italie
placo en Parizo, Francio From Wikipedia, the free encyclopedia
Place d'Italie (esperante Placo de Italio) estas pariza placo situanta en la koro de la 13-a arondismento. Ĝi ŝuldas sian nomon al la apuda Avenue d'Italie, deirpunkto de Nacia Aŭtovojo 7, kiu ligas Francion kun Italio.[1]
 |
Por samtitola artikolo vidu la paĝon Place d'Italie (pariza metrostacio). |
 13 Arond. Place d'Italie
    | ||||
|---|---|---|---|---|
 | ||||
| Situo | ||||
| Arondismento(j) | 13-a | |||
| Kvartalo(j) | Salpêtrière Gare Maison-Blanche Croulebarbe | |||
| Morfologio | ||||
| Longeco | 200 m | |||
| Larĝeco | 200 m | |||
| Historio | ||||
| Kreado | 1760 | |||
| ||||
Antaŭ ol barono Haussmann etendis la urbolimojn, la loko apartigis Parizon disde Gentilly. En ĝi, du pavilonoj konstruitaj de Ledoux utilis por kolekti akcizojn. Tiuj pavilonoj estis bruligitaj dum la Franca Revolucio kaj detruitaj en 1877, kvankam la placo ĉesis funkcii kiel urbolimo en 1860. Tiamaniere la loko adoptis sian nunan dezajnon.
En la 1960-aj jaroj, estis desegnita ambicia plano nomita Italie 13 kiu celis radikalan transformon de la areo. En la praktiko, la projekto, kiu estis ĉesigita en 1975, estis nur parte kompletigita per efektivigo de pluraj urboplanadoj kaj konstruado de ses turoj pli ol 100 metrojn altaj. Inter tiuj ne konstruitaj estis Turo Apogée, kiu devis superi Turon Montparnasse en alteco kaj devis situi en la sudo de la placo. En ĝia loko, en 1992 konstruado de Grand Écran Italie estis kompletigita, kinematografia komplekso konstruita de la japana Kenzō Tange, fermita en 2006.
Place d'Italie estas ronda placo ornamita per centra fontano kaj pluraj verdaj areoj. Ĝi ankaŭ havas plurajn skulptaĵojn: unu honore al marŝalo Alphonse Juin farita de André Greck en 1983 kaj alia kiu situas en la ĝardenoj de la konstruaĵo kiu utilas kiel sidejo de la arondismenta urbodomo, verko de Ossip Zadkine.
En la suda parto de la placo estas granda vendejaro nomita Italie 2.
Eblas aliri la placon ĉu per iu el la tri metrolinioj (5, 6, 7) kiuj havas haltejon ĉe la stacio Place d'Italie, aŭ uzante unu el la sekvaj itineroj:
- Boulevard Vincent-Auriol
- Boulevard de l'Hôpital
- Boulevard Auguste-Blanqui
- Avenue des Gobelins
- Avenue de la Sœur-Rosalie
- Avenue d'Italie
- Avenue de Choisy
- Rue Bobillot
- Rue Godefroy
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
