Pierre Flageul

Pierre FLAGEUL [flaĵöl] (naskiĝis la 4-an de oktobro 1878 en Maumusson apud Nantes) estis franca esperantisto, oficisto en la nacia monfabrikejo kaj, flanke, profesoro de stenografio.

Pierre Flageul
Persona informo
Naskiĝo	1-an de januaro 1878 (1878-01-01) (146-jaraĝa)
Lingvoj	Esperanto
Ŝtataneco	Francio
Okupo
Okupo	esperantisto
v • d • r

Li tre interesiĝis pri stenografio, gvidis kursojn, fondis societojn, kunlaboris al multaj stenografiaj gazetoj, adaptis la sistemon Duployé al la skribo Braille kaj poste al Esperanto. Li gvidis kursojn Esperantajn en Paris kaj la ĉirkaŭo, faris konstantan propagandon en la stenografiaj medioj per multaj artikoloj, per paroladoj, kursoj, proponoj favoraj al Esperanto en francaj kaj internaciaj kongresoj. Li verkis, skribis kaj presis mem multajn lernolibrojn kaj propagandilojn; li eldonis gazeton Fluganta Skribilo. Komence de la 1930-aj jaroj estis fondita societo "Stenografa Instituto Tutmonda" (STT), kiu celas disvastigon de la Stenografio Duployé-Flageul. Li estis kunlaboranto de la Enciklopedio de Esperanto.

Verkoj

• Esperanta Stenografo laŭ la sistemo Duploye. 4-a eld.Eld. Eld. Fluganta Skribilo, Issy-les-Moulineaux, 1924.
• Methode de Stenographie Esperantiste et de stenographie française. 2-a ed. Eld. Fluganta Skribilo, Issy-les-Moulineaux, 1924. 28 paĝoj. — 16.5 x 22 cm.
• Poezioj de L. L. Zamenhof, skribitaj en Esperanta-stenografio Duploye-Flageul. Eld. de Esperanto-Stenografio, Issy-les-Moullineux, 1930? 16 pg.
• Doktoro Pierre Corret. Esperantisto kaj Stenografisto. Eld. Stenografa Instituto Tutmonda, Issy-les-Moulineaux, 1938(?), 24 pĝ

Recenzoj

Pri Methode de Stenographie Esperantiste et de stenographie française

	„ Metodo, kies fundamento estas la sistemo Duploye. Ĝi speciale kaj bonege taŭgas por tiuj Esperantistoj, kiuj deziras lerni samtempe, per ununura metodo, la stenografadon en franca kaj Esperanta lingvoj. ” —  Belga esperantisto n120 (feb 1925)

---

Pri Doktoro Pierre Corret.

	„ Ĝojante pri la apero de ĉi tiu libreto, ni ne povas ne bedaŭri, ke ĝi ne aperis ankaŭ en ordinaraj presliteroj, legeblaj por ĉiuj. Nia movado ŝuldas tre multe al D-ro Corret, kaj multaj amikoj bonvenigus biografion plenan kaj indan. ” —  La Brita Esperantisto - Numero 394, Februaro (1938)

---

Pri Esperanta Stenografo laŭ la sistemo Duploye.

	„ Ekzistas multaj sistemoj de stenografio. La sistemon Duploye ni ne deziras kritiki. Kiu el ĉiuj sistemoj estas la plej taŭga, la plej rekomendinda, montros la praktiko mem. Faras impreson, ke la aŭtoro uzas la vorton "Stenografo" anstataŭ „stenografio“, ĉar stenografo estas tiu, kiu okupas sin pri stenografio, kiel ankaŭ geografo-geografio, litografo-litografio. ” — Bulgara Esperantisto j06 n10

Ĉi tiu artikolo baziĝas (parte aŭ tute) sur artikolo el la Enciklopedio de Esperanto. La originala teksto kontroleblas en interreta arkivo de la fonto.

Ĉi tiu artikolo ankoraŭ estas ĝermo pri esperantisto. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).