Remove ads
Pierre Brossolette (naskiĝis la 25-an de junio 1903 en Parizo, mortis la 22-an de marto 1944 en Parizo), estis franca ĵurnalisto kaj socialista politikisto. Li estis unu el la ĉefaj estroj kaj herooj de la Franca rezistado.
Brila studanto en "Normal-Sup", li elektis ĵurnalismon post sukcesa ekzameniĝo de agregacio pri historio, 22-jaraĝa. Lia politika engaĝiĝo, esprimiĝis tra liaj kronikoj per radio kaj liaj artikoloj por Le Populaire, kie li alprenis la partion de la Hispanaj respublikanoj, dum la civila milito.
Post la franca kapitulaco, li tre rapide aliĝis al la rezistado. Sendita en la britan ĉefurbon, Komandanto Bourgat (lia pseŭdonimo kiel rezistanto) estis nomita adjunkto de Kolonelo Plassy, kaj fariĝis numero 2 de la sekretaj servoj de Libera Francio.
Alternante revenojn en Francion kaj laboron en Londono, li reorganizis la rezistadon kaj modernigis inform-servojn post mallonga tempo. Li interalie ellaboris la "Konsilion de la Rezistado" kiun poste prezidis Jean Moulin. Sed lia nekontrolebla temperamento kaj liaj politikaj opinioj, juĝitaj tro maldekstraj por de Gaulle, malebligis al li sukcedi al tiu posteno post la morto de Jean Moulin, en julio 1943.
Li estis arestita la 3-an de februaro 1944 okaze de survoja blokado, en Bretonio, dum li intencis enŝipiĝi por iri en Anglion. Torturita dum du tagoj fare de Gestapo, li profitis el momenta foresto de sia turmentanto por ĵeti sin tra la fenestron. Li mortis la 22-an de marto 1944, pro siaj vundoj.
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads