Personal Computer Games
From Wikipedia, the free encyclopedia
From Wikipedia, the free encyclopedia
Personal Computer Games aŭ PCG estis multformata brita komputila kaj videoluda magazino de la fruaj kaj mezaj 1980-aj jaroj publikigita de VNU.
Personal Computer Games estis lanĉita en julio 1983.[1] La magazino estis parto de VNU kaj havis sian ĉefsidejon en Londono.[2] La dua numero estis publikigita la 28-an de oktobro 1983[3], kaj la magazino fariĝis ĉiumonata ekde februaro 1984.[4]
Tiutempe la pritraktado de komputiloj fare de la magazino ĉefe konsistis el la ZX Spectrum, C64 kaj BBC Micro, kvankam la publikaĵo ankaŭ temis pri novaĵoj rilate al 8-bitaj Atari-komputiloj, Acorn Electron, VIC-20 kaj la freŝdate aperinta Amstrad CPC.
La numero de februaro 1985 estis la lasta de la magazino.[2] Chris Anderson kaj Bob Wade poste lanĉis la magazinon Zzap!64, ekskluzive dediĉitan al la Commodore 64.[5]
Unu el la sekcioj de la magazino estis la tiel nomata « Screen Test », kie la nove aperintaj ludoj estis recenzitaj. La PCG-teamo, kiu esprimis siajn opiniojn pri la ludrecenzoj, konsistis el la stabo de la magazino sed ankaŭ kontribuantaj legantoj. La recenzo estis aranĝita kun klarigo de la luda mekaniko, kaj estis donitaj la opinioj de tri malsamaj recenzantoj en apartaj blokoj ĉe la fino. PCG taksis la kvaliton de la ludo el 10 poentoj. Apartaj poentoj rilatis al grafiko, sono, originaleco kaj vivdaŭro.
En februaro 1984, PCG donacis kovrilan diskon enhavantan videoludajn datumojn, kiuj estis transigeblaj al kasedoj. Ĉi tiuj inkluzivis senpagajn programojn por la komputiloj VIC-20, ZX Spectrum, BBC Micro kaj Dragon 32/64.[6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.