Wilchingen estas komunumo en Kantono Ŝafhaŭzo, Svislando. Ĝi havis 1689 loĝantojn je la 30-a de junio 2008.
 |
Por samtitola artikolo vidu la paĝon Wilchingen-Hallau (stacidomo). |
| Wilchingen | |
|---|---|
 | |
 | |
| komunumo en Svislando • limurbo | |
| Kantono | Ŝafhaŭzo |
| Distrikto | Ne estas distriktoj en Kantono Ŝafhaŭzo. |
| Koordinatoj | 47° 40′ 0″ N 8° 28′ 0″ O (mapo) |
|
| |
| Nombro de loĝantoj | 1689 |
| Areo | 21,0 km² |
| Alteco | 419 m super marnivelo |
| Poŝtkodo | 8217 Wilchingen8218 Osterfingen |
| Komunumkodo | 2974 |
 | |
Geografio
Wilingen situas en la oriento de Kantono Ŝafhaŭzo en la regiono Klettgau ĉe la landlimo kun Germanio. La komunumo konsistas el Wilchingen mem kaj el la iama memstara komunumo Osterfingen, kiu en la jaro 2005 estis kunigita kun Wilchingen. En sudo de la komunumo situas la montoĉeno Randen, kies plej videbla kulmino estas la monto Rossberg sude de Osterfingen. La regiono estas konata pro siaj vastaj vitejoj, kiuj karakterizas la vilaĝojn Osterfingen kaj Wilchingen.
Najbaraj komunumoj
Wilchingen limas en sudoriento al Jestetten (Baden-Virtembergo, Germanio), en sudo al Dettighofen (Baden-Virtembergo, Germanio), en sudokcidento al Klettgau (Baden-Virtembergo, Germanio), en okcidento al Trasadingen, en nordoriento en unu punkto al Eggingen, en nordo al Hallau kaj en nordokcidento al Neunkirch.
Trafiko
Wilchingen atingeblas per aŭtobuso ek de la najbaraj germanaj komunumoj Jestetten kaj Klettgau kaj de Trasadingen. Kune kun la najbara komunumo Hallau Wilchingen disponas ankaŭ pri stacidomo ĉe la fervojlinio Hochrheinbahn de Deutsche Bahn de Ŝafhaŭzo al Bazelo.
Historio
La unua certigita dokumenta mencio de Wilchingen datiĝas de la 11-a de julio 1049 kiam la imperiestro Henriko la 3-a konfirmis la posedrajtojn de la Monaĥejo Rejnaŭo. Dokumento, kiu portas la daton de la 20-a de marto 870 evidentiĝis falsa. En la jaroj 1371 kaj 1373 la voktrajtoj pri Wilchingen transiris al la Hospitalo ĉe la Sankta Spirito Heiligen en Ŝafhaŭzo. En la jaro 1656 Ŝafhaŭzo akiris de la Grafoj de Klettgau ankaŭ la superan jurisdikcion kaj per tio la definitivan suverenecon pri Wilchingen.
Bildaro
Vilaĝo kerno de Wilchingen
Faktrabdomo en Wilchingen
Preĝejo Sankta Otmaro en Wilchingen
Restoracio Rossberg
Gastejo Gemeindehaus en Wilchingen
Ĉefa strato en la vilaĝocentro
Osterfingen
Preĝejo Sankta Jakobo en Osterfingen
Gastejo Bad Osterfingen
Vidu ankaŭ
Eksteraj ligiloj
- Oficiala retejo de la komunumo Wilchingen
- Retejo de la vilaĝa asocio Osterfingen Arkivigite je 2009-01-06 per la retarkivo Wayback Machine
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
