Ornitomimosaŭroj

Ornitomimosaŭroj (Ornithomimosauria = 'birdomimaj lacertoj') estas teropodaj dinosaŭroj, kiel Gallimimus, kiu almenaŭ supraĵe similis al modernaj strutoj. Ili estis rapidkuraj, ĉionmanĝaj aŭ herbovoraj dinosaŭroj kiuj vivis dum la kretaceo en Laŭrazio (nun Azio, Eŭropo kaj Nordameriko). La ornitomimosaŭroj unue aperis dum la frua kretaceo kaj daŭris ĝis la malfrua kretaceo. Ili ŝajnas parencaj al la malpli evoluintaj celurosaŭraj teropodoj kiel Compsognathus kaj la tiranosaŭredoj. Inter la primitivaj membroj de la grupo estas Pelecanimimus, Shenzhousaurus, harpimimo kaj verŝajne la grandega Deinocheirus, kies brakoj atingis longecon de 2,5 m. Inter la pli evoluintaj specioj, membroj de la familio de ornitomimedoj, estas Gallimimus, Archaeornithomimus, Anserimimus, strutomimo, kaj ornitomimo. Iuj paleontologoj, inter ili Paul Sereno, konsideras la misterajn Alvarezsauridae esti proksimaj parencoj de la ornitomimosaŭroj kaj metas ilin kune en la superfamilion Ornithomimoidea.

Kiel legi la taksonomion Ornitomimosaŭroj
Troveblo de fosilioj: Kretaceo
Strutomimo, Struthiomimus
Biologia klasado
Regno: Animaloj Animalia Filumo: Ĥorduloj Chordata Klaso: Reptilioj Sauropsida Superordo: Dinosaŭroj Dinosauria Ordo: Saŭriskioj Saurischia Subordo: Teropodoj Theropoda Infraordo: Ornitomimosaŭroj Ornithomimosauria Barsbold, 1976
Familioj
Harpimimedoj Harpymimidae Deinocheiridae Ornitomimedoj Ornithomimidae
Aliaj Vikimediaj projektoj
Sistematiko en Vikispecioj
Komunejo pri Ornitomimosaŭroj
v • d • r