komunumo de Svislando From Wikipedia, the free encyclopedia
Onsernone (en la loka tiĉin-lombarda dialekto de la valo Unsernon) estas komunumo de la Komunumaro Onsernone kaj la Distrikto Locarno en Kantono Tiĉino, Svislando. Ĝi havis 273 loĝantojn je la 31-a de decembro 2011.
| Onsernone | |
|---|---|
 | |
| Blazono de Onsernone | |
| Kantono | Tiĉino |
| Distrikto | Locarno |
| Komunumaro | Onsernone |
| Koordinatoj | 46° 12′ 7″ N 8° 37′ 5″ O (mapo) |
| Nombro de loĝantoj | 273 |
| Areo | 29,86 km² |
| Alteco | 802 m super marnivelo |
| Poŝtkodo | 6662 |
| Komunumkodo | 5136 |
 | |
| Mapo de Onsernone | |
Onsernone situas en la supra parto de la Valo Onsernone, tra kiu fluas la rivero Isorno, norda alfluanto de Melezza. La komunumo konsistas el la vilaĝoj Cappellino, Comologno, Corbella, Crana, Russo, Spruga, kaj Vocaglia.[1]
La teritorio de la komunumo etendiĝas sur areo de 29,86 km², de kiuj 83,3% estas kovritaj de arbaro, 5,6% servas por agrikulturo kaj 1,4% por setlado. [2]
La komunumo Onsernone limas en nordo al Vergeletto, en nordnordoriento al Gresso, en nordoriento al Maggia, en orientnordoriento al Isorno, en oriento al Mosogno, en sudo al Centovalli, en sudokcidento al Re (VB, Italio), kaj en nordokcidento al Craveggia (VB, Italio).
Onsernone situas komplete flanke de la gravaj trafikvojoj. Ĝi atingeblas nur pere de sakvojo ek de Isorno. Al la publika transportreto la komunumo estas konektita pere du buslinio al Locarno.
La komunumo estis fondita kun efiko de la 1-a de januaro 1995 per kunigo de la ĝis tiam aŭtonomaj komunumoj Comologno, Crana kaj Russo. La origina projekto antaŭvidis kuniĝon de ĉiuj naŭ komunumoj de la valo. Tiu projekto kaj ankaŭ varianto de kunigo de la ses supraj komunumoj de la valo malakceptiĝis en publikaj balotoj.[3]
La unua dokumenta mencio de Comologno datiĝas el la jaro 1438 kiel Comolognium.[4] La unua mencio de Crana datiĝas el la jaro 1228 kiel Grana.[5] Russo estis la unuan fojon menciita en la jaro 1231 kiel Rŭi. Dum mezepoko ĝis la fino de la Helveta Respubliko en la jaro 1803 la vilaĝoj de la Valo Onsernone estis parto de la malnova komunumo Onsernone. Tiam la vilaĝoj sendependiĝis ĝis la rekreo de la nova komunumo Onsernone en 1995.[6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
